scorecardresearch
Latest News

കൂട്ടുകാരികളുടെ ഡേ-ഔട്ട്

കൂട്ടുകാരികൾ മൂന്നു പേരും ഒരുമിച്ചപ്പോഴുള്ള ചിത്രങ്ങളാണ് ഇൻസ്റ്റഗ്രാമിൽ പങ്കുവച്ചത്

Nariya, നസ്രിയ, supriya, സുപ്രിയ, Amaal, അമാൽ, Prithviraj, പൃഥ്വിരാജ്, Fahadh, ഫഹദ്, Dulquer, ദുൽഖർ, iemalayalam, ഐഇ മലയാളം

ഫഹദ് ഫാസിലും പൃഥ്വിരാജും ദുൽഖർ സൽമാനും സുഹൃത്തുക്കളാണ്. മൂന്നു പേരുടേയും സിനിമാ കുടുംബങ്ങളായതിനാൽ ഈ ചങ്ങാത്തത്തിന് അടുപ്പവും കൂടുതലാണ്. ഇവർ മാത്രമല്ല, ഇവരുടെ ഭാര്യമാരും നല്ല സുഹൃത്തുക്കളാണ്.

നസ്രിയ ഫഹദ്,  സുപ്രിയ പൃഥ്വിരാജ്, അമാൽ സൂഫിയ എന്നിവരുടെ സൗഹൃദം സോഷ്യൽ മീഡിയയിലെ ഇവരുടെ ആരാധകർക്കും സുപരിചിതമാണ്. ഒരുമിച്ചുള്ള ചിത്രങ്ങളും അനുഭവങ്ങളും ഇവർ പങ്കുവയ്ക്കാറുമുണ്ട്. ഇപ്പോൾ നസ്രിയക്കും അമാലിനുമൊപ്പം ഉച്ചഭക്ഷണം കഴിക്കാൻ പോയപ്പോഴുള്ള ചിത്രമാണ് സുിപ്രിയ ഇൻസ്റ്റഗ്രാം സ്റ്റോറിയിൽ പങ്കുവച്ചത്.

Nariya, നസ്രിയ, supriya, സുപ്രിയ, Amaal, അമാൽ, Prithviraj, പൃഥ്വിരാജ്, Fahadh, ഫഹദ്, Dulquer, ദുൽഖർ, iemalayalam, ഐഇ മലയാളം

ഈ ഇൻസ്റ്റഗ്രാം സ്റ്റോറി ഷെയർ ചെയ്ത നസ്രിയ കൂട്ടുകാർക്കൊപ്പം കഴിച്ച ഭക്ഷണത്തിന്റെ ചിത്രവും പങ്കുവച്ചിരുന്നു.

Nariya, നസ്രിയ, supriya, സുപ്രിയ, Amaal, അമാൽ, Prithviraj, പൃഥ്വിരാജ്, Fahadh, ഫഹദ്, Dulquer, ദുൽഖർ, iemalayalam, ഐഇ മലയാളം

സിനിമാ രംഗത്ത് സ്വന്തം സഹോദരിയെ പോലെ അടുപ്പം തോന്നിയ നടിയാണ് നസ്രിയയെന്ന് പൃഥ്വിരാജ് നിരവധി തവണ അഭിമുഖങ്ങളിൽ പറഞ്ഞിട്ടുണ്ട്. ഒരു സഹോദരി വേണമെന്ന് എന്നും തനിക്ക് ആഗ്രഹമുണ്ടായിരുന്നുവെന്നും സിനിമാ മേഖലയിൽ നിന്നും കിട്ടിയ സഹോദരിയാണ് നസ്രിയ എന്നുമായിരുന്നു പൃഥ്വിയുടെ വാക്കുകൾ. നസ്രിയയുടെയും പൃഥ്വിയുടെയും കുടുംബങ്ങൾ തമ്മിലും അടുത്ത സൗഹൃദമാണുള്ളത്.

Read More: ‘ഇത് ശരിയല്ല, മാറി നില്‍ക്കൂ’; മൈക്കുമായി അടുത്തെത്തിയ മാധ്യമപ്രവര്‍ത്തകരോട് ഫഹദ്

നസ്രിയയും ദുൽഖറിന്റെ ഭാര്യ അമാലും വളരെ അടുത്ത സുഹൃത്തുക്കളാണ്. ഇരുവരും ഇടയ്ക്കിടയ്ക്ക് ഒത്തുകൂടാറുണ്ട്. അമ്മുവെന്നു വിളിക്കുന്ന അമാലിനൊപ്പം കറങ്ങി നടക്കാനും ഷോപ്പിങ്ങിന് പോകാനുമൊക്കെ നസ്രിയ സമയം കണ്ടെത്താറുണ്ട്. ആർക്കിടെക്റ്റാണ് അമാൽ. നസ്രിയയുടെയും ഫഹദിന്റെയും പുതിയ വീടിന്റെ ഇന്റീരിയർ ചെയ്തതും അമാൽ ആയിരുന്നു.

അമാൽ ആയി മാത്രമല്ല, ദുൽഖറുമായും നല്ല സൗഹൃദം സൂക്ഷിക്കുന്ന വ്യക്തിയാണ് നസ്രിയ. ദുൽഖർ വാത്സല്യത്തോടെ കുഞ്ഞി എന്നു വിളിക്കുന്ന നസ്രിയ മമ്മൂട്ടിയുടെ വീട്ടിലെ ആഘോഷ പരിപാടികളിലെയെല്ലാം സ്ഥിരം സാന്നിധ്യമാണ്. അമാലിന്റെയും നസ്രിയയുടെയും സൗഹൃദത്തെ കുറിച്ച് ദുൽഖറും അഭിമുഖങ്ങളിൽ സംസാരിക്കാറുണ്ട്.

സിനിമയ്ക്ക് അപ്പുറമുള്ള സൗഹൃദമാണ് പൃഥ്വിരാജും ദുൽഖർ സൽമാനും തമ്മിലുള്ളത്. ലോക്ക്ഡൗൺ കാലം ഈ സൌഹൃദത്തെ കൂടുതൽ അടുപ്പിക്കുകയായിരുന്നു. “ഈ വർഷം സംഭവിച്ച ഏറ്റവും സവിശേഷമായ കാര്യം എല്ലാവർക്കും കൂടുതൽ അടുക്കാനും കൂടുതൽ സമയം ഒരുമിച്ച് ചെലവഴിക്കാനും സാധിച്ചു എന്നതാണെന്ന് ദുൽഖർ തന്നെ സോഷ്യൽ മീഡിയ പോസ്റ്റിൽ പറഞ്ഞിരുന്നു.

നഗരത്തിലെ ഏറ്റവും നല്ല ബർഗർ ഷെഫ് എന്നാണ് പൃഥ്വിരാജ് ദുൽഖറിനെ ഒരിക്കൽ വിശേഷിപ്പിച്ചത്. പാചകത്തിലുള്ള ദുൽഖറിന്റെ താൽപര്യത്തെയും കൈപ്പുണ്യത്തേയും അഭിനന്ദിക്കുന്നതായിരുന്നു പൃഥ്വിരാജിന്റെ വാക്കുകൾ. കുക്കിങ് പാഷനായ, ബർഗർ പ്രേമിയായ ദുൽഖറിന് കഴിഞ്ഞ ജന്മദിനത്തിന് പൃഥ്വിരാജ് സമ്മാനിച്ചത് ബർഗറിന്റെ ഷേപ്പിലുള്ള കേക്കായിരുന്നു.

Stay updated with the latest news headlines and all the latest Entertainment news download Indian Express Malayalam App.

Web Title: Nazriya shares photos of supriya and amaal

Best of Express