മയിൽകുഞ്ഞുങ്ങളെയും കയ്യിലേന്തി ഉലകും ഉയിരും; മക്കളുടെ പെയിന്റിംഗ് കണ്ട് മനസ്സു നിറഞ്ഞ് നയനും വിക്കിയും, വീഡിയോ

നയൻതാരയേയും വിഘ്നേഷിനെയും പോലെ തന്നെ അവരുട ഇരട്ടക്കുട്ടികളായ ഉയിരും ഉലകും ഇന്ന് സോഷ്യൽ മീഡിയയ്ക്ക് സുപരിചിതരാണ്. മക്കളുടെ ചിത്രങ്ങളും വിശേഷങ്ങളുമൊക്കെ വിഘ്നേഷും നയൻതാരയും സോഷ്യൽ മീഡിയയിൽ ഷെയർ ചെയ്യാറുണ്ട്.

നയൻതാരയുടെ ഫാൻസ് പേജുകളിൽ പ്രചരിക്കുന്ന ഒരു വീഡിയോ ആണ് ഇപ്പോൾ സമൂഹമാധ്യമങ്ങളുടെ ശ്രദ്ധ കവരുന്നത്. ഒരു ആരാധിക സമ്മാനിച്ച ഉലകിന്റെയും ഉയിരിന്റെയും മനോഹരമായൊരു പെയിന്റിംഗ് ഏറ്റുവാങ്ങുകയാണ് നയൻതാര.

രാജകുമാരൻ പോലെ അണിഞ്ഞൊരുങ്ങി ആഭരണങ്ങളും അണിഞ്ഞ് മയിൽ കുഞ്ഞുങ്ങളെയും കയ്യിലേന്തി നിൽക്കുന്ന ഉലകിനെയും ഉലകത്തിനെയുമാണ് പെയിന്റിംഗിൽ കാണാനാവുക.

സെപ്റ്റംബറിലായിരുന്നു ഉയിരിന്റെയും ഉലകത്തിന്റെയും ഒന്നാം പിറന്നാൾ. മലേഷ്യയിലാണ് താരദമ്പതികൾ മക്കളുടെ ജന്മദിനം ആഘോഷിച്ചത്.

ഏഴു വര്‍ഷത്തെ പ്രണയത്തിനു ശേഷം 2022 ജൂണ്‍ 9 നാണ് വിഘ്‌നേഷ് നയന്‍താരയുടെ കഴുത്തില്‍ താലി ചാര്‍ത്തിയത്. 2022 ജൂണിൽ മഹാബലിപുരത്ത് വച്ചായിരുന്നു വിവാഹം. 2022 ഒക്ടോബറിൽ, വാടക ഗർഭധാരണത്തിലൂടെ തന്റെ ഇരട്ട ആൺകുഞ്ഞുങ്ങളെ സ്വീകരിച്ചതായി വിഘ്നേഷ് പ്രഖ്യാപിച്ചു.

ഉയിർ- രുദ്രോനീൽ എൻ ശിവൻ, ഉലക് – ദൈവിക് എൻ ശിവൻ എന്നിങ്ങനെയാണ് കുഞ്ഞുങ്ങളുടെ പേരുകൾ . ‘എൻ’ എന്ന അക്ഷരം ലോകത്തെ ഏറ്റവും നല്ല അമ്മയെ സൂചിപ്പിക്കുന്നു എന്നാണ് വിഘ്നേഷ് പറഞ്ഞത്. നയൻതാരയുടെ ആദ്യ അക്ഷരമായ എൻ ആണ് പേരുകൾക്കൊപ്പം ചേർത്തിരിക്കുന്നത്.