രാജകുമാരനാകണ്ട, മനുഷ്യനായാൽ മതി; നയൻ‌താര അന്ന് പറഞ്ഞത്

മൂന്നാം വിവാഹ വാർഷികം ആഘോഷിക്കുകയാണ് തെന്നിന്ത്യയിലെ പ്രിയപ്പെട്ട താരദമ്പതികളായ വിഘ്നേഷ് ശിവനും നയൻതാരയും.

തങ്ങളുടെ ജീവിതത്തിലെ സുപ്രധാന ദിവസത്തിന്റെ വാർഷികത്തിൽ വിഘ്നേഷിനു ആശംസകൾ നേർന്ന് നയൻതാര പങ്കുവച്ച കുറിപ്പാണ് ഇപ്പോൾ ശ്രദ്ധ തേടുന്നത്.

"നിങ്ങൾ പലപ്പോഴും ചിന്തിക്കുന്നുണ്ടാകാം, ആരാണ് മറ്റേയാളെ കൂടുതൽ സ്നേഹിക്കുന്നതെന്ന്, നിങ്ങൾ ഒരിക്കലും ഉത്തരം കണ്ടെത്താതിരിക്കട്ടെ! ഞങ്ങളെ എങ്ങനെ വിശേഷിപ്പിക്കണമെന്ന് എനിക്കറിയില്ല. എന്റെ ആത്മാവ് ആഗ്രഹിച്ചതെല്ലാം നിങ്ങളാണ്. രണ്ടുപേരിൽ നിന്ന് ഞങ്ങൾ നാലുപേരിലേക്ക് എത്തിയിരിക്കുന്നു. ഇതിൽ കൂടുതൽ ചോദിക്കാൻ കഴിയുമായിരുന്നില്ല! പ്രണയം എങ്ങനെയായിരിക്കണമെന്ന് നിങ്ങൾ എനിക്ക് കാണിച്ചുതന്നു! ആനിവേഴ്സറി ആശംസകൾ, പാർട്ണർ! എന്നും എപ്പോഴും, ഞാൻ നിന്നെ സ്നേഹിക്കുന്നു," നയൻതാര കുറിച്ചതിങ്ങനെ.

വിവാഹത്തിനു മുൻപ്, തന്റെ ലൈഫ് പാർട്ണർ ആരാവണമെന്നതിനെ കുറിച്ച് നയൻതാര പറഞ്ഞ വാക്കുകളും ഈ അവസരത്തിൽ ശ്രദ്ധേയമാണ്. "രാജകുമാരനാകണ്ട, മനുഷ്യനായാൽ മതി," എന്നായിരുന്നു അന്ന് നയൻതാര പറഞ്ഞത്.

2014-ൽ നാനും റൗഡി താൻ എന്ന സിനിമയുടെ സംവിധായകനും എഴുത്തുകാരനുമായ വിഘ്നേഷ് ശിവനെ നയൻതാര പരിചയപ്പെട്ടു.

ചിത്രത്തിൻ്റെ ഷൂട്ടിംഗിനിടെ അവർ പ്രണയത്തിലായി. ഏഴു വർഷത്തോളം ഇരുവരും ഡേറ്റിംഗ് തുടർന്നു.

2022 ജൂണ്‍ 9നാണ് വിഘ്‌നേഷ് നയന്‍താരയുടെ കഴുത്തില്‍ താലി ചാര്‍ത്തിയത്.

അതേ വർഷം, ഒക്ടോബറിൽ ഇരുവർക്കും ഇരട്ട കുട്ടികൾ ജനിച്ചു. രുദ്രോനീൽ, ദൈവിക് എന്നാണ് മക്കൾക്ക് നയൻതാര പേരു നൽകിയിരിക്കുന്നത്.