Latest News

തമിഴകത്തിന്‍റെ താര റാണി: ‘തലൈവി നയന്‍താര’

‘എങ്കള്‍ തലൈവി നയന്‍താര’ എന്ന് വിളിച്ചാണ് ആരാധകര്‍ നയന്‍സിനെ വരവേറ്റത്

തമിഴകത്തെ താരറാണിയാണെന്ന് ഒരിക്കൽക്കൂടി നയൻതാര തെളിയിച്ചിരിക്കുന്നു. ‘ലേഡി സൂപ്പർ സ്റ്റാർ’ എന്ന് തമിഴ് മക്കൾ നയൻസിനെ വിളിക്കുന്നത് എന്തുകൊണ്ടാണെന്ന് ‘അറം’ എന്ന പുതിയ ചിത്രം കണ്ടാൽ മതി. പക്ഷേ ഇപ്പോൾ തമിഴ് മക്കൾ നയൻസിന് മറ്റൊരു പേരു കൂടി ചാർത്തിക്കൊടുത്തിരിക്കുന്നു, ‘തലൈവി നയൻതാര’.

അറമിന്റെ പ്രൊമോഷനായി ചെന്നൈയിലെ കാസി തിയേറ്ററിൽ എത്തിയപ്പോഴായിരുന്നു നയൻതാരയെ ‘എങ്കൾ തലൈവി നയൻതാര’ എന്ന് വിളിച്ച് ആരാധകർ വരവേറ്റത്. ഇതിനു മുൻപ് ഇത്രയും സ്നേഹത്തോടെ ജയലളിതയെ മാത്രമായിരിക്കും തമിഴ് മക്കൾ തലൈവി എന്നു വിളിച്ചിട്ടുണ്ടാവുക. നയൻതാരയുടെ വരവ് കണ്ടാൽ ശരിക്കും തലൈവി എന്നു വിളിക്കാൻ തോന്നുമെന്നത് മറ്റൊരു വസ്തുതയാണ്.

നീല സാരിയണിഞ്ഞ് ഒരു നേതാവെന്നു തോന്നുംവിധമുളള ലുക്കിലാണ് നയൻസ് എത്തിയത്. നയൻതാര വരുന്നതറിഞ്ഞ് നിരവധി പേർ തിയേറ്ററിൽ കാത്തുനിൽക്കുന്നുണ്ടായിരുന്നു. നയൻസ് കാറിൽനിന്നും ഇറങ്ങിയ ഉടൻ തന്നെ ആരാധകർ ‘എങ്കൾ തലൈവി നയൻതാര’ എന്നു വിളിക്കാൻ തുടങ്ങി. ഇതുകേട്ട നയൻസ് പുഞ്ചിരിയോടെ കൈകൾ ആരാധകർക്കുനേരെ ഉയർത്തിക്കാട്ടി തന്‍റെ സ്നേഹം അറിയിച്ചു.

‘മതിവദനി’ എന്ന കലക്ടറുടെ വേഷത്തിൽ നയൻതാരയെത്തിയ ‘അറം’ സിനിമ മികച്ച പ്രേക്ഷക പ്രതികരണം നേടി മുന്നേറുകയാണ്. എല്ലായിടത്തുനിന്നും ചിത്രത്തിന് പോസിറ്റീവ് റിവ്യൂ ആണ് ലഭിക്കുന്നത്. നയൻതാര ഇതുവരെ ചെയ്ത സിനിമകളിൽനിന്നും തികച്ചും വ്യത്യസ്തമായ കഥാപാത്രമാണ് അറമിലേത്.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Nayanthara visits kasi theatre for aramm promotion

Next Story
ബോളിവുഡിലേക്ക് കൈപിടിക്കാന്‍ കരണ്‍ ജോഹര്‍ വേണ്ടെന്ന് അനുഷ്‌ക?Anushka Shetty, Karan Johar, Prabhas
The moderation of comments is automated and not cleared manually by malayalam.indianexpress.com
Best of Express