scorecardresearch

നയൻ‌താര – വിഘ്‌നേശ് ശിവൻ വിവാഹം ജൂൺ 09ന്?, വൈറലായി ക്ഷണക്കത്ത്

വിഘ്നേഷുമായി വിവാഹ നിശ്ചയം കഴിഞ്ഞതായി കഴിഞ്ഞ വർഷം വിജയ് ടെലിവിഷനിലെ അഭിമുഖത്തിൽ നയൻ‌താര വെളിപ്പെടുത്തിയിരുന്നു

Nayanthara, നയൻതാര, Vignesh Shivan, വിഘ്നേശ് ശിവൻ, Nayanthara Vignesh Sivan wedding date, Nayanthara photos, nayanthara love, നയൻതാര പ്രണയം, nayans

തെന്നിന്ത്യയുടെ പ്രിയ ജോഡികളാണ് നയൻതാരയും സംവിധായകൻ വിഘ്നേഷ് ശിവനും. ഇരുവരും ജൂൺ 09ന് വിവാഹിതരാവുന്നു എന്ന രീതിയിൽ അഭ്യൂഹങ്ങളുണ്ട്. എന്നാൽ നയൻതാരയോ വിഘ്നേഷോ ഇതുവരെ ഈ വാർത്തകളോട് പ്രതികരിച്ചിട്ടില്ല. ഇപ്പോഴിതാ, വിവാഹത്തിന്റെ ഡിജിറ്റൽ ക്ഷണക്കത്തും സോഷ്യൽ മീഡിയയിൽ പ്രചരിക്കുകയാണ്.

നയൻ, വിക്കി എന്നിങ്ങനെയാണ് ക്ഷണക്കത്തിൽ വധൂവരന്മാരുടെ പേര് രേഖപ്പെടുത്തിയിരിക്കുന്നത്. ജൂൺ 09ന് മഹാബലിപുരത്ത് വെച്ചു വിവാഹം എന്നാണ് ഡിജിറ്റൽ മോഷൻ ക്ഷണക്കത്തിൽ പറയുന്നത്. എന്നാൽ ഇത് യഥാർത്ഥ ക്ഷണക്കത്താണോ എന്നത് വ്യക്തമല്ല.

കഴിഞ്ഞ ദിവസം ഗലാട്ട ക്രൗൺ അവാർഡ് നിശയിൽ വിവാഹസാരിയെക്കുറിച്ചും മറ്റും നയൻതാരയും വിഘ്‌നേഷും സംസാരിച്ചിരുന്നു. വിവാഹത്തിന് നയൻതാര എന്ത് ധരിക്കണം എന്ന ആരാധകരുടെ മറുപടികൾ കോർത്തിണക്കിയ വീഡിയോ സ്‌ക്രീനിൽ കാണിച്ച ശേഷമായിരുന്നു വിഘ്‌നേശിനോട് അവതാരക ചോദ്യം ആവർത്തിച്ചത്. ‘ആരാധകരിൽ ഒരാൾ പറഞ്ഞപോലെ എന്ത് ധരിച്ചാലും സുന്ദരിയാണ്’ എന്നായിരുന്നു വിഘ്‌നേഷിന്റെ മറുപടി.

2015-ൽ പുറത്തിറങ്ങിയ ‘നാനും റൗഡി താൻ’ എന്ന ചിത്രത്തിന്റെ സെറ്റിൽ വച്ചാണ് വിഘ്‌നേശ് ശിവനും നയൻതാരയും പ്രണയത്തിലാവുന്നത്. ആറുവർഷം നീണ്ട പ്രണയത്തിനൊടുവിൽ 2021 മാർച്ച് 25-ന് ഇവരുടെ വിവാഹനിശ്ചയം നടന്നു. വിഘ്നേഷുമായി വിവാഹ നിശ്ചയം കഴിഞ്ഞതായി കഴിഞ്ഞ വർഷം വിജയ് ടെലിവിഷനിലെ അഭിമുഖത്തിൽ നയൻ‌താര വെളിപ്പെടുത്തിയിരുന്നു. അന്ന് മുതൽ വിവാഹം ഉടനെന്ന അഭ്യൂഹങ്ങളുണ്ട്.

മുൻപ് ഒരു തമിഴ് വെബ്സൈറ്റിനു നല്‍കിയ അഭിമുഖത്തിനിടയിലും വിഘ്നേഷ് ശിവന്‍ നയന്‍‌താരയുമായുള്ള വിവാഹത്തെക്കുറിച്ച് സംസാരിച്ചിരുന്നു. ”ഞങ്ങള്‍ക്ക് ചില ലക്ഷ്യങ്ങളുണ്ട്. ചിലതൊക്കെ ചെയ്ത് തീര്‍ക്കണമെന്ന് ആഗ്രഹമുണ്ട്. അതെല്ലാം കഴിഞ്ഞു സ്വകാര്യജീവിതത്തിലേക്ക് പോകണമെന്നാണ് പ്ലാൻ. ഞങ്ങളുടെ ഫോക്കസ് ഇപ്പോഴും ജോലിയില്‍ തന്നെയാണ്. മാത്രമല്ല, പ്രണയം എപ്പോള്‍ ബോറടിക്കുന്നുവെന്ന് നോക്കാം. അപ്പോൾ വിവാഹം കഴിക്കാം. അടുത്ത ഘട്ടത്തിലേക്ക് പോകാന്‍ എല്ലാം ശരിയാകുമ്പോള്‍ ആ തീരുമാനമെടുക്കാം. അപ്പോള്‍ എല്ലാവരെയും അറിയിച്ചു, സന്തോഷമായി വിവാഹം നടത്താം.

Also Read: നയൻസിന്റെ വിവാഹസാരിയുടെ നിറമെന്ത്? വിഘ്‌നേശ് ശിവന്റെ രസകരമായ മറുപടി

Stay updated with the latest news headlines and all the latest Entertainment news download Indian Express Malayalam App.

Web Title: Nayanthara vignesh shivan wedding save the date video viral