സ്റ്റൈലിഷ് മമ്മി, മക്കൾക്കും വിക്കിയ്ക്കുമൊപ്പം പാരീസിൽ ചുറ്റികറങ്ങി നയൻതാര; ചിത്രങ്ങൾ

തെന്നിന്ത്യക്ക് പ്രിയപ്പെട്ട താരജോഡികളാണ് നയൻതാരയും വിഘ്നേഷ് ശിവനും.

യാത്ര ചെയ്യാൻ ഏറെ ഇഷ്ടമുള്ള താരദമ്പതികളാണ് നയൻതാരയും വിഘ്നേഷ് ശിവനും. അടുത്തിടെ, മക്കൾക്കൊപ്പം പാരീസിലേക്കും മൈക്കണോസിലേക്കും നടത്തിയ യാത്രയിൽ നിന്നുള്ള ചിത്രങ്ങൾ ഷെയർ ചെയ്തിരിക്കുകയാണ് നയൻതാര.

സ്റ്റൈലിഷ് ലുക്കിലാണ് നയൻതാര ചിത്രങ്ങൾ. റെഡ് കോ- ഓർഡ് ഡ്രസ്സിൽ തിളങ്ങുകയാണ് താരം.

മക്കൾക്കൊപ്പവും വിഘ്നേഷിനൊപ്പവും തനിയെ ഉള്ളതുമായ നിരവധി ചിത്രങ്ങൾ താരം പങ്കിട്ടിട്ടുണ്ട്.

ഈഫൽ ടവറിനു മുന്നിൽ നിന്നുള്ള ചിത്രവും കൂട്ടത്തിൽ കാണാം.

കുടുംബത്തിലെ എല്ലാ ജന്മദിനങ്ങളും ആഘോഷമാക്കിയത് ഇവിടെയാണ് എന്നും നയൻതാര പറയുന്നു. എല്ലാ കാര്യങ്ങളും കൃത്യതയോടെ നോക്കി നടത്തിയ ട്രാവൽ ഏജൻസിക്കും താരം നന്ദി അറിയിച്ചിട്ടുണ്ട്.

"ഞങ്ങൾക്ക് ഇതുവരെ ലഭിച്ചിട്ടുള്ളതിൽ വച്ച് ഏറ്റവും മികച്ച അവധിക്കാലത്തിൻ്റെ മധുരമുള്ള നിമിഷങ്ങൾ. കുടുംബത്തിലെ എല്ലാ ജന്മദിനങ്ങളും ആഘോഷിക്കുകയും ഞങ്ങളുടെ കുഞ്ഞുങ്ങൾക്കൊപ്പം യാത്ര ചെയ്യുകയും ചെയ്തതിനാൽ പാരീസിലെ മൈക്കോനോസ് എല്ലായ്പ്പോഴും വളരെ സ്പെഷ്യൽ ആയിരിക്കും," എന്നാണ് നയൻതാര കുറിച്ചത്.

പാരീസിലെ ചങ്ങാതികളെ കാണാനും നയൻതാര മറന്നില്ല, കൂട്ടുകാർക്കൊപ്പമുള്ള ചിത്രങ്ങളും കൂട്ടത്തിലുണ്ട്.

ഏഴു വര്‍ഷത്തെ പ്രണയത്തിനു ശേഷം 2022 ജൂണ്‍ 9 നാണ് വിഘ്‌നേഷ് നയന്‍താരയുടെ കഴുത്തില്‍ താലി ചാര്‍ത്തിയത്.

അതേ വർഷം ഒക്ടോബറിലാണ് ഇരുവർക്കും ഇരട്ട കുട്ടികൾ ജനിച്ചത്. ഉയിർ- രുദ്രോനീൽ എൻ ശിവൻ, ഉലക് – ദൈവിക് എൻ ശിവൻ എന്നിങ്ങനെയാണ് കുഞ്ഞുങ്ങളുടെ പേരുകൾ.

അടുത്തിടെ, നയൻതാരയുടെ ജന്മദിനത്തോട് അനുബന്ധിച്ച് നയൻതാര: ബിയോണ്ട് ദി ഫെയറി ടെയിൽ എന്ന ഡോക്യുമെന്ററി നെറ്റ്ഫ്ളിക്സ് സ്ട്രീം ചെയ്തിരുന്നു

നയൻതാരയുടെ കരിയറിലേക്കും ജീവിതത്തിലേക്കും പ്രണയത്തിലേക്കുമെല്ലാം വെളിച്ചം വീശുന്നതാണ് ഈ ഡോക്യുമെന്ററി.

1960 മുതൽ മണ്ണങ്ങാട്ടി, തനി ഒരുവൻ 2  എന്നിവയാണ് നയൻതാരയുടെ അണിയറയിലൊരുങ്ങുന്ന തമിഴ് ചിത്രങ്ങൾ. നിവിൻ പോളിയ്‌ക്കൊപ്പം അഭിനയിക്കുന്ന ഡിയർ സ്റ്റുഡൻസും അണിയറയിൽ ഒരുങ്ങുന്നുണ്ട്.

ചിത്രങ്ങൾക്ക് കടപ്പാട്: നയൻതാര | ഇൻസ്റ്റഗ്രാം