scorecardresearch
Latest News

തമിഴില്‍ അറാം, തെലുങ്കില്‍ കര്‍ത്തവ്യം: ‘ലേഡി സൂപ്പര്‍ സ്റ്റാര്‍’ നയന്‍താരയുടെ ചിത്രം നവംബര്‍ 3ന്

ഗോപി നയനാരാണ് ചിത്രത്തിന്റെ സംവിധായകന്‍

തമിഴില്‍ അറാം, തെലുങ്കില്‍ കര്‍ത്തവ്യം: ‘ലേഡി സൂപ്പര്‍ സ്റ്റാര്‍’ നയന്‍താരയുടെ ചിത്രം നവംബര്‍ 3ന്

നയന്‍താരയുടെ പുതിയ ചിത്രം നവംബര്‍ മൂന്നിന് തിയേറ്ററുകളില്‍. തമിഴിലും തെലുങ്കിലും റിലീസ് ചെയ്യുന്ന ചിത്രത്തില്‍ ജില്ലാ കളക്ടറുടെ വേഷത്തിലാണ് നയന്‍സ് എത്തുന്നത്. ബാലവേലയ്ക്കും കര്‍ഷകര്‍ നേരിടുന്ന ചൂഷണത്തിനുമെതിരെ ശക്തമായ നിലപാടുകളും നടപടികളുമെടുക്കുന്ന ജില്ലാ കളക്ടര്‍. ചിത്രത്തിന്റെ പോസ്റ്ററുകള്‍ ഇതിനോടകം തന്നെ സോഷ്യല്‍ മീഡിയയില്‍ തരംഗമായിക്കഴിഞ്ഞു. ഗോപി നയനാരാണ് ചിത്രത്തിന്റെ സംവിധായകന്‍.

Nayanthara, Aramm
ഫോട്ടോ: ഫെയ്സ്ബുക്ക്

തമഴില്‍ അറാം എന്ന പേരിലും തെലുങ്കില്‍ കര്‍ത്തവ്യം എന്ന പേരിലുമായിരിക്കും ചിത്രം പുറത്തിറങ്ങുക. ആര്‍. രവീന്ദ്രന്റെ ട്രിഡെന്റ് ആര്‍ട്ട്‌സാണ് ചിത്രം പുറത്തിറക്കുന്നത്. ചിത്രം ഒരു സൂപ്പര്‍ഹിറ്റ് ആകുമെന്ന് ഉറച്ച വിശ്വാസമുണ്ടെന്ന് അദ്ദേഹം പറഞ്ഞു.

നയന്‍താര അവസാനമായി വേഷമിട്ട തമിഴ് ചിത്രം ഡോറ ആയിരുന്നു. ഡോസ് രാമസാമി സംവിധാനം ചെയ്ത ഡോറ ഒരു പ്രേത ചിത്രമായിരുന്നു. നയന്‍താരയ്‌ക്കൊപ്പം തമ്പി രാമയ്യ, ഹരീഷ് ഉത്തമന്‍ എന്നിവരും ചിത്രത്തിലുണ്ടായിരുന്നു.

Nayanthara, Aramm
ഫോട്ടോ: ഫെയ്സ്ബുക്ക്

ഫഹദ് ഫാസില്‍, പ്രകാശ് രാജ്, ശിവ കാര്‍ത്തികേയന്‍ എന്നിവര്‍ക്കൊപ്പം വേലൈക്കാരന്‍ എന്ന ചിത്രത്തിലും നയന്‍സ് എത്തുന്നുണ്ട്. മോഹന്‍ രാജയാണ് ചിത്രത്തിന്റെ സംവിധാനം.

Stay updated with the latest news headlines and all the latest Entertainment news download Indian Express Malayalam App.

Web Title: Nayanthara next project aramm release date announced telugu version named kartavyam