നയൻതാരയ്‌ക്കൊപ്പം ഐപിഎൽ കാണാനെത്തി വിഘ്‌നേഷ്; ചിത്രങ്ങൾ

തെന്നിന്ത്യയിൽ ഏറെ ആരാധകരുള്ള താര ദമ്പതികളാണ് വിഘ്നേഷ് ശിവനും നയൻതാരയും. ഇരുവരും ഒന്നിച്ച് പൊതുയിടങ്ങളിൽ പ്രത്യക്ഷപ്പെടുന്ന ചിത്രങ്ങൾ അതിവേഗം വൈറലാകാറുമുണ്ട്. അത്തരത്തിലൊന്നാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ശനിയാഴ്ച്ച നടന്ന ഐപിഎൽ മത്സരം കാണാനെത്തിയതാണ് താരങ്ങൾ. വിഘ്നേഷ് തന്റെ സോഷ്യൽ മീഡിയ പ്രൊഫൈലിലൂടെ പങ്കുവച്ച ചിത്രങ്ങൾ ആരാധകർ ഏറ്റെടുത്തു കഴിഞ്ഞു.

ശനിയാഴ്ച്ച നടന്ന ചെന്നൈ സൂപ്പർ കിങ്ങ്സ്- മുംബൈ ഇന്ത്യൻസ് മത്സരം കാണാനെത്തിയതാണ് താര ദമ്പതികൾ. ചെന്നൈയെ പിന്തുണയ്ക്കുന്ന രീതിയിൽ മഞ്ഞ നിറത്തിലുള്ള ടീ ഷർട്ടാണ് വിഘ്നേഷ് അണിഞ്ഞത്. വെള്ള ഷർട്ടാണ് നയൻതാര ധരിച്ചിരിക്കുന്നത്. "എന്റെ പ്രണയത്തിനും യെല്ലോ ആർമിയ്ക്കുമൊപ്പമൊരു നല്ല വൈകുന്നേരം" എന്നാണ് വിഘ്നേഷ് ചിത്രത്തിനു നൽകിയ അടികുറിപ്പ്.

ഇരുവരും മത്സരം ആസ്വദിക്കുന്ന ചിത്രത്തിനൊപ്പം ഒരു സെൽഫിയും പങ്കുവച്ചിട്ടുണ്ട്. ഇതു വളരെ ക്യൂട്ടായിട്ടുണ്ട്, തങ്കം, തലൈവി തുടങ്ങിയ കമന്റുകളാണ് ചിത്രത്തിനു താഴെ നിറയുന്നത്.

ഏഴു വര്‍ഷത്തെ പ്രണയത്തിനു ശേഷം 2022 ജൂണ്‍ 9 നാണ് വിഘ്‌നേഷ് നയന്‍താരയുടെ കഴുത്തില്‍ താലി ചാര്‍ത്തിയത്. അതേ വർഷം ഒക്‌ടോബർ 9നാണ് നയൻതാരയും വിഘ്‌നേഷും തങ്ങളുടെ ഇരട്ടകുട്ടികളായ ഉയിരിനെയും ഉലകത്തെയും സമൂഹമാധ്യമങ്ങളിലൂടെ പരിചയപ്പെടുത്തിയത്.

അൽഫോൺസ് പുത്രൻെറ സംവിധാനത്തിൽ മലയാള ചിത്രം 'ഗോൾഡ്', അശ്വിൻ ശരവണൻെറ സംവിധാനത്തിൽ ഒരുങ്ങുന്ന 'കണക്റ്റ്' എന്നിവയാണ് ഏറ്റവും ഒടുവിൽ തിയേറ്ററുകളിലെത്തിയ നയൻതാര ചിത്രങ്ങൾ. അറ്റ്ലിയുടെ സംവിധാനത്തിൽ ഒരുങ്ങുന്ന ഷാരൂഖ് ഖാൻ ചിത്രം 'ജവാനി'ലും നയൻതാര വേഷമിടുന്നുണ്ട്. 2023 സെപ്തംബർ 7ന് ചിത്രം തിയേറ്ററുകളിലെത്തും.