പൃഥ്വിരാജിന്റെ ആ സ്വഭാവം ഒരുപാട് തെറ്റിദ്ധരിക്കപ്പെട്ടിട്ടുണ്ട്; 'നമ്മൾ' നായിക രേണുകാ മേനോൻ

സിനിമയിൽ തിളങ്ങിനിന്നിരുന്ന സമയത്താണ് നടി രേണുക മേനോൻ വിവാഹിതയാകുന്നത്. തുടർന്ന് സിനിമാ ജീവിതം നടി അവസാനിപ്പിക്കുകയായിരുന്നു. നമ്മള്‍, വര്‍ഗം തുടങ്ങി മലയാളത്തിലും തമിഴിലും നിരവധി സിനിമകളിൽ രേണുക അഭിനയിച്ചിട്ടുണ്ട്. അന്ന് തനിക്കൊപ്പം അഭിനയിച്ചവരുമായി യാതൊരു കോൺടാക്ടും ഇല്ലെന്ന് പറയുകയാണ് രേണുക.

സൈന സൗത്ത് പ്ലസിന് നല്‍കിയ അഭിമുഖത്തിലാണ് തന്റെ അഭിനയ കാലത്തെക്കുറിച്ച് രേണുക സംസാരിച്ചത്. 'വർഗം' സിനിമയിൽ പൃഥ്വിരാജിന്റെ നായികയായിട്ടാണ് രേണുക അഭിനയിച്ചത്. പൃഥ്വിരാജ് അധികം സംസാരിക്കാത്ത വ്യക്തിയാണെന്നും, രാജുവിന്റെ അധികം സംസാരിക്കാത്ത ആ രീതിയെ ഒരുപാട് തെറ്റിദ്ധരിക്കപ്പെട്ടിട്ടുണ്ടെന്നും രേണുക അഭിമുഖത്തിൽ പറഞ്ഞു. 

രാജു സംസാരിക്കാത്തതിനാൽതന്നെ ജാഡയാണെന്ന് പലരും കരുതിയിട്ടുണ്ട്. എന്നെ അറിയാവുന്നവരും അങ്ങനെ പറഞ്ഞിട്ടുണ്ടാകും. രാജുവിന്റെ സ്വഭാവമാണത്. ചിലർ ഒരുപാട് സംസാരിക്കും. ചിലർ കുറച്ചായിരിക്കും സംസാരിക്കുക. അത് ഓരോരുത്തരുടെയും വ്യക്തിത്വമാണ്. ചിലർ തങ്ങൾക്ക് കംഫർട്ടബിൾ ആയ സ്ഥലത്ത് നന്നായി സംസാരിക്കും. രാജുവുമായി ഒരുപാട് സംസാരിക്കാൻ ഞാൻ അങ്ങനെ കംഫർട്ടബിൾ അല്ലായിരുന്നു. അതിനാൽ തന്നെ ഞങ്ങൾ തമ്മിൽ അങ്ങനെ ഒരു ഇന്ററാക്ഷൻ വന്നിട്ടില്ലെന്നും രേണുക പറഞ്ഞു. 

View this post on Instagram

A post shared by Saina South Plus (@sainasouthplus)

എനിക്കൊപ്പം അഭിനയിച്ച പൃഥ്വിരാജ്, ജയം രവി, ആര്യ, ഭാവന തുടങ്ങിയവരെല്ലാം ഇന്ന് വലിയ താരങ്ങളാണ്. സിദ്ധാര്‍ത്ഥ് നടനായും സംവിധായകനായും തിളങ്ങുന്നു. അവരുടെ വിജയങ്ങള്‍ കാണുമ്പോള്‍ ഒരുപാട് അഭിമാനവും സന്തോഷവും തോന്നുന്നുണ്ടെന്നും രേണുക പറയുകയുണ്ടായി. 

Read More

• ഞങ്ങൾ ആരുടെ വയറ്റിലാണ് ജനിച്ചത്? മക്കൾ അമ്മയെ അന്വേഷിച്ചു തുടങ്ങിയെന്ന് കരൺ
• Thalavan OTT: തലവൻ ഒടിടിയിലേക്ക്
• Maharaja OTT: വിജയ് സേതുപതിയുടെ 'മഹാരാജ' ഒടിടിയിലേക്ക്
• തെലുങ്കിലും ദുൽഖറിന് വലിയ കൈയ്യടി, ഡീക്യു പാൻ ഇന്ത്യൻ സ്റ്റാറാണ്: അന്ന ബെൻ
• കമ്പനിക്കാരുടെ കണക്കിനെ തോൽപ്പിക്കുന്ന ശരീരമാണ് എൻ്റേത്: ഇന്ദ്രൻസ്