കൂട്ടുകാരീ നമ്മള്‍ കോര്‍ത്ത കയ്യഴിയാതെ; സൗഹൃദം പങ്കിട്ട് മീനാക്ഷിയും നമിതയും

വർഷങ്ങളായി മീനാക്ഷി ദിലീപിന്റെ അടുത്ത സുഹൃത്തുക്കളിലൊരാണ് നടി നമിത പ്രമോദ്.

ഇപ്പോഴിതാ, നമിതയ്ക്ക് ഒപ്പമുള്ള പുതിയ ചിത്രങ്ങൾ പങ്കിട്ടിരിക്കുകയാണ് മീനാക്ഷി.

ദിലീപ് നായകനായ സൗണ്ട് തോമയുടെ ചിത്രീകരണവേളയിൽ ആണ് മീനാക്ഷിയെ ആദ്യം പരിചയപ്പെടുന്നത് എന്നാണ് ഒരിക്കൽ നമിത അഭിമുഖത്തിനിടെ പറഞ്ഞത്.

"എനിക്കാസമയം എക്സാം ആയിരുന്നു, എക്സാമിനു പടിക്കുന്ന സമയത്താണ് എന്റെ മുന്നിൽ കൂടി മീനാക്ഷി കടന്നു പോകുന്നത്. അധികം സംസാരിക്കാത്ത മീനാക്ഷിയെ കണ്ട് ഞാൻ ആദ്യം കരുതിയത് വലിയ ജാഡക്കാരിയായിരിക്കും എന്നാണ്, അതുകൊണ്ട് ഞാനും ജാഡയിൽ ഒന്ന് ചിരിച്ചതേ ഉള്ളൂ," നമിതയുടെ വാക്കുകളിങ്ങനെ.

എന്നാൽ പിന്നീട് വിദേശത്തേക്കുള്ള ഫ്ലൈറ്റ് യാത്രയിൽ ഹോട്ട് ചോക്ലേറ്റ് കുടിക്കുന്നതിനിടയിലാണ് ഇരുവരും കൂട്ടായതെന്നും നമിത പറഞ്ഞു.

ഫ്ലൈറ്റ് യാത്രയിൽ ഇരുവർക്കും ഹോട്ട് ചേക്ലേറ്റ് കുടിക്കാൻ ആഗ്രഹം തോന്നുകയും ഫ്ലൈറ്റ് അറ്റന്ററോട് ചോക്ലേറ്റ് ഓർഡർ ചെയ്യുകയുമായിരുന്നു. എന്നാൽ സുന്ദരനായ ഫ്ലൈറ്റ് ജീവനക്കാരനെ വീണ്ടും കാണാൻ നിരവധി തവണ ഇരുവരും ഓർഡർ ആവർത്തിച്ചെന്നും അങ്ങനെയാണ് മീനാക്ഷിയുമായി പരിചയത്തിലാകുന്നതെന്നുമാണ് നമിതയുടെ വാക്കുകൾ.

ഒരു സുഹൃത്തും സഹോദരിയുമൊക്കെയാണ് തനിക്ക് മീനാക്ഷി എന്നാണ് നമിത പറയുന്നത്.

ഒന്നിച്ചു കൂടുമ്പോഴൊക്കെ ചിത്രങ്ങൾ പകർത്താനും അവ സമൂഹമാധ്യമങ്ങളിൽ ഷെയർ ചെയ്യാനും ഈ കൂട്ടുകാരികൾ മറക്കാറില്ല.

നമിത മാത്രമല്ല, നടൻ നാദിർഷയുടെ മക്കളും ഇവരുടെ ഫ്രണ്ട്സ് ഗ്യാങ്ങിലുണ്ട്. ''മീ​നാ​ക്ഷി​യാ​യാ​ലും​ ​ആ​യി​ഷ​യാ​യാ​ലും​ ​(​നാ​ദി​ർ​ഷാ​യു​ടെ​ ​മ​ക​ൾ​ ​)​ ​സ്വ​ന്തം​ ​ഫാ​മി​ലി​ ​പോ​ലെ​യാ​ണ്. ​സ്ഥി​രം​ ​വി​ളി​ക്കാ​റു​ണ്ട്. മിക്കവാറും കാണാറുണ്ട്. ഞങ്ങൾ തമ്മിൽ വല്ലാത്തൊരു ആത്മബന്ധമുണ്ട്,'' കൂട്ടുക്കെട്ടിനെ കുറിച്ച് നമിതയുടെ വാക്കുകൾ.

എന്തായാലും, ഈ കൂട്ടുക്കെട്ട് ഇതിനകം തന്നെ സോഷ്യൽ മീഡിയയുടെ ശ്രദ്ധ നേടി കഴിഞ്ഞു.