scorecardresearch

‘കെട്ട്യോളാണ് എന്റെ മാലാഖ’; ആസിഫ് അലി ചിത്രത്തിന്റെ മോഷന്‍ പോസ്റ്റര്‍

ചിത്രം റൊമാന്റിക് കോമഡിയാണ്.

‘കെട്ട്യോളാണ് എന്റെ മാലാഖ’; ആസിഫ് അലി ചിത്രത്തിന്റെ മോഷന്‍ പോസ്റ്റര്‍

ആസിഫ് അലി നായകനാകുന്ന പുതിയ ചിത്രമായ കെട്ട്യോളാണ് എന്റെ മാലാഖയുടെ മോഷന്‍ പോസ്റ്റര്‍ പുറത്തിറങ്ങി. മാജിക് ഫ്രെയിംസിന്റെ ബാനറില്‍ ജസ്റ്റിന്‍ സ്റ്റീഫനും വിച്ചു ബാലമുരളിയും നിര്‍മ്മിക്കുന്ന ചിത്രത്തിന്റെ സംവിധാനം നിസ്സാം ബഷീറാണ്. ഇദ്ദേഹത്തിന്റെ ആദ്യ ചിത്രമാണിത്.

വിജയ് സൂപ്പറും പൗര്‍ണമിയും, ഉയരെ, വൈറസ്, കക്ഷി അമ്മിണ്ണി പ്പിള്ള, എന്നീ ചിത്രങ്ങള്‍ക്ക് ശേഷം തിയ്യറ്ററുകളിലെത്തുന്ന ആസിഫ് അലി ചിത്രമാണിത്. ഈ വര്‍ഷം ഇറങ്ങിയ ചിത്രങ്ങളിലെല്ലാം ആസിഫിന്റെ പ്രകടനം പ്രശംസ നേടിയിരുന്നു. നാലും വ്യത്യസ്തമായി റോളുകളായിരുന്നു.

മലയുടെ താഴ് വാരത്തുള്ള ഒരു പള്ളിയില്‍ നിന്നും തുടങ്ങി മല മുകളില്‍ നില്‍ക്കുന്ന നായകനിലേക്ക് കടന്നു ചെല്ലുന്നതാണ് മോഷന്‍ പോസ്റ്റര്‍. ആസിഫിന്റെ വേറിട്ട ലുക്കും മ്യൂസിക്കുമാണ് പോസ്റ്ററിന്റെ പ്രത്യേകത. വീണ നന്ദകുമാറാണ് ചിത്രത്തിലെ നായിക. ചിത്രം റൊമാന്റിക് കോമഡിയാണ്.

Stay updated with the latest news headlines and all the latest Entertainment news download Indian Express Malayalam App.

Web Title: Motion poster of asif ali movei kettyolanu ente malakha281960