ഇതൊരു നീണ്ടയാത്രയുടെ തുടക്കമായിരിക്കട്ടെ; ആന്റണി പെരുമ്പാവൂരിന്റെ മകൾക്ക് ആശംസയുമായി മോഹൻലാൽ

നിർമാതാവ് ആന്റണി പെരുമ്പാവൂരിന്റെയും ശാന്തിയുടെയും മകൾ ഡോ. അനിഷയ്ക്കും പ്രതിശ്രുത വരനും ആശംസകൾ നേർന്നുകൊണ്ടുള്ള മോഹൻലാലിന്റെ ഫേസ്ബുക്ക് പോസ്റ്റാണ് ഇപ്പോൾ ശ്രദ്ധ നേടുന്നത്. വിവാഹനിശ്ചയത്തിൽ നിന്നുള്ള ചിത്രങ്ങളും മോഹൻലാൽ പങ്കുവച്ചിട്ടുണ്ട്.

'നിങ്ങളുടെ ഹൃദയത്തിന് ഉൾക്കൊളളാനാവുന്നത്രയും സന്തോഷം ഇരുവർക്കും നേരുന്നു. ഇത് ഒരു നീണ്ട ജീവിതത്തിന്റെ പുതിയ തുടക്കമായിരിക്കട്ടെ. നിങ്ങളുടെ വിവാഹനിശ്ചയത്തിന് ടൺ കണക്കിന് ആശംസകൾ,' മോഹൻലാൽ കുറിച്ചു.

ഡോക്ടർ എമിൽ വിൻസന്റാണ് വരൻ. കൊച്ചിയിലെ സ്വകാര്യ ഹോട്ടലിൽ വെച്ച് മുൻപ് വിവാഹമുറപ്പിക്കൽ ചടങ്ങ് നടത്തിയപ്പോഴും മോഹൻലാലും ഭാര്യ സുചിത്രയും മകൻ പ്രണവ് മോഹൻലാലും പങ്കെടുത്തിരുന്നു.

View this post on Instagram

I'm very happy to announce my daughter's marriage fixation. Requesting your prayers and blessings. Moments captured by @jacksonjamesphotography

A post shared by Antony Perumbavoor (@antonyperumbavoor) on Sep 2, 2020 at 7:44am PDT

വരന്റെയും വധുവിന്റെയും അടുത്ത ബന്ധുക്കൾക്ക് പുറമെ മോഹൻലാലും കുടുംബവും മാത്രമാണ് വിവാഹനിശ്ചയ ചടങ്ങിലും പങ്കെടുത്തത്. ഈ മാസമാണ് വിവാഹം. പെരുമ്പാവൂർ ചക്കിയത്ത് ഡോക്ടർ വിൻസന്റിന്റെയും സിന്ധുവിന്റെയും മകനാണ് എമിൽ വിൻസന്റ്.