പത്മനാഭസ്വാമി ക്ഷേത്രത്തിൽ ദർശനം നടത്തി മോഹൻലാൽ, ചിത്രങ്ങൾ

പത്മനാഭസ്വാമി ക്ഷേത്രത്തിൽ ദർശനം നടത്തി മലയാളത്തിന്റെ പ്രിയതാരം മോഹൻലാൽ.

വ്യാഴാഴ്ച രാവിലെ ക്ഷേത്രത്തിലെത്തിയ താരം മുറജപ ലക്ഷദീപ വിളംബരം സ്വീകരിക്കുകയും വിളംബര ദീപം തെളിയിക്കുകയും ചെയ്തു.

കുട്ടിക്കാലം മുതൽ കണ്ടുശീലിച്ച പത്മനാഭസ്വാമി ക്ഷേത്രത്തിന്റെ ചടങ്ങുകളിലേക്കും ആഘോഷങ്ങളിലേക്കും തിരികെ എത്താനായതിന്റെ സന്തോഷം മോഹൻലാൽ പങ്കിട്ടു

പത്മനാഭസ്വാമി ക്ഷേത്രത്തിലെ ഏറ്റവും പ്രധാനപ്പെട്ട ചടങ്ങുകളിലൊന്നായ മുറജപ ലക്ഷാർച്ച ആറ് വർഷത്തിലൊരിക്കൽ മാത്രമാണ് നടക്കുന്നത്.

തിരുവിതാംകൂർ രാജകുടുംബമാണ് ഇതിന് നേതൃത്വം നൽകുന്നത്.

ഒരു മാസത്തോളം നീണ്ടുനിൽക്കുന്ന ഈ ചടങ്ങ് നവംബർ 20ന് ആരംഭിക്കും. മുറജപ ലക്ഷാർച്ചയ്ക്ക് മുന്നോടിയായാണ് മോഹൻലാൽ പത്മനാഭസ്വാമി ക്ഷേത്രത്തിലെത്തിയത്.

തിരുവിതാംകൂർ രാജകുടുംബാംഗങ്ങൾ മോഹൻലാലിന് വിളംബര പത്രിക കൈമാറി.  കവടിയാർ കൊട്ടാരത്തിലെ രാജകുടുംബാംഗങ്ങളും ചടങ്ങിൽ പങ്കെടുത്തു.