സിമ്പ ഒരു തമാശ പറഞ്ഞതാ; ചിത്രവുമായി മോഹൻലാൽ

നടൻ മോഹൻലാലിന്റെ മൃഗങ്ങളോടുളള സ്നേഹത്തെക്കുറിച്ച് അറിയാത്ത ആരാധകർ കുറവായിരിക്കും. വിവിധയിനങ്ങളിലുളള പട്ടികളും പൂച്ചകളും മോഹൻലാലിന്റെ വളർത്തുമൃഗങ്ങളിൽ ഉൾപ്പെടുന്നുണ്ട്. മോഹൻലാലിന്റെ വളർത്തു പൂച്ച സിമ്പ ഇതിനകം തന്നെ സോഷ്യൽ മീഡിയയ്ക്ക് സുപരിചിതനാണ്. സിമ്പയ്ക്ക് ഒപ്പമുള്ള താരത്തിന്റെ ചിത്രങ്ങൾ സമൂഹമാധ്യമങ്ങളിൽ പലപ്പോഴും വൈറലായിട്ടുണ്ട്.

ഇപ്പോഴിതാ, വളർത്തുനായയ്ക്ക് ഒപ്പമുള്ള ചിത്രം സോഷ്യൽ മീഡിയയിൽ പോസ്റ്റ് ചെയ്യുകയാണ് മോഹൻലാൽ. 'സിമ്പ ഒരു തമാശ പറഞ്ഞപ്പോൾ' എന്നാണ് ചിത്രത്തിന് താരം ക്യാപ്ഷൻ നൽകിയിരിക്കുന്നത്.

അടുത്തിടെ, മോഹൻലാലിനു വേണ്ടി തിരക്കഥാക്യത്ത് സുരേഷ് ബാബു വരച്ച കാരിക്കേച്ചറിന്റെ ചിത്രവും ശ്രദ്ധ നേടിയിരുന്നു. കുടുംബത്തിലെ അംഗങ്ങൾക്കൊപ്പം വളർത്തുമൃഗങ്ങളും ക്യാൻവാസിലിടം നേടി. 'തന്റെ കുടുംബാംഗങ്ങളാണ് ഇവരെല്ലാ'മെന്നാണ് മോഹൻലാൽ വീഡിയോയിൽ പറഞ്ഞത്.

ഇതിൽ പുതിയതായി കുടുംബത്തിലേക്ക് വന്ന ഒരു പൂച്ചയുടെ കൂടി ചിത്രത്തിൽ ഉൾപ്പെടുത്താനുണ്ടെന്നായിരുന്നു മോഹൻലാൽ പറഞ്ഞത്. വളർത്തു മൃഗങ്ങളെ ക്യാൻവാസിൽ ഉൾപ്പെടുത്തുക എന്നത് ഭാര്യ സുചിത്രയുടെ ആശയമായിരുന്നെന്നും മോഹൻലാൽ പറഞ്ഞു.