എനിക്കും ലാലിനും ശങ്കറിനും പുതു ജീവിതം കിട്ടിയിട്ട് 40 വർഷം; പൂർണിമ ഓർക്കുന്നു

നാൽപ്പത് വർഷം മുൻപ് ഒരു ക്രിസ്മസ് ദിനത്തിലാണ് മലയാള സിനിമയിലേക്ക് മൂന്ന് ചെറുപ്പക്കാരുടെ വരവ്. ഫാസിൽ സംവിധാനം ചെയ്ത മഞ്ഞിൽ​ വിരിഞ്ഞ​ പൂക്കൾ എന്ന ചിത്രത്തിലൂടെ മലയാള സിനിമയിൽ അരങ്ങേറ്റം കുറിച്ച ആ മൂന്ന് ചെറുപ്പക്കാർ മോഹൻലാലും പൂർണിമ ഭാഗ്യരാജും ശങ്കറുമായിരുന്നു. തങ്ങളുടെ ആദ്യ ചിത്രത്തിന്റെ ഓർമകൾ പങ്കു വയ്ക്കുകയാണ് പൂർണിമ.

View this post on Instagram

A post shared by Poornima Bhagyaraj (@poornimabhagyaraj)

ഫാസിൽ രചനയും സംവിധാനവും നിർ‌വഹിച്ച് 1980-ൽ പുറത്തിറങ്ങിയ മലയാളചലച്ചിത്രമാണ്‌ മഞ്ഞിൽ വിരിഞ്ഞ പൂക്കൾ. തിരനോട്ടം എന്ന ചിത്രത്തിലാണ് മോഹൻലാൽ ആദ്യം അഭിനയിച്ചതെങ്കിലും മോഹൻലാലിന്റെ പുറത്തിറങ്ങിയ ആദ്യചിത്രം മഞ്ഞിൽ വിരിഞ്ഞ പൂക്കൾ ആയിരുന്നു. പുതുമുഖം തന്നെയായിരുന്ന ശങ്കർ നായകനായഭിനയിച്ച ഈ ചിത്രത്തിൽ പ്രതിനായകവേഷമാണ്‌ മോഹൻലാൽ കൈകാര്യം ചെയ്തത്. പൂർണ്ണിമ ജയറാമായിരുന്നു ഈ ചിത്രത്തിലെ നായിക. പൂർണ്ണിമയുടേയും ആദ്യചിത്രമായിരുന്നു ഇത്. കൊടൈക്കനാലിലായിരുന്നു മഞ്ഞിൽ വരിഞ്ഞ പൂക്കളുടെ ചിത്രീകരണം പൂർത്തീകരിച്ചത്.

മൂവർക്കും പുറമെ പ്രതാപചന്ദ്രൻ, ആലുംമൂടൻ, നെടുമുടി വേണു തുടങ്ങിയവരും ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചു.

മനോഹരമായ ഗാനങ്ങളാൽ ഈ ചിത്രം പ്രേക്ഷക ഹൃദയങ്ങളിൽ ചിരകാല പ്രതിഷ്ഠ നേടി. മിഴിയോരം, മഞ്ഞണിക്കൊമ്പിൽ തുടങ്ങിയ ഗാനങ്ങളും ഏറെ ശ്രദ്ധിക്കപ്പെട്ടിരുന്നു. ഗാനരചന നിർവ്വഹിച്ചത് ബിച്ചു തിരുമലയായിരുന്നു. സംഗീതസംവിധാനം ജെറി അമൽദേവും.