ഈ ഡയറക്ടർ സാർ കൂളാണ്: സംവിധായകനായ ലാലേട്ടനെ കാണേണ്ടേ? ബറോസ് ലൊക്കേഷൻ വീഡിയോ ഇതാ

മലയാളത്തിന്റെ അഭിമാന താരം മോഹൻലാൽ ആദ്യമായി സംവിധാനം ചെയ്യുന്ന 'ബറോസി'ന്റെ റിലീസിനായി കാത്തിരിക്കുകയാണ് പ്രേക്ഷകർ. ഇപ്പോഴിതാ, ചിത്രത്തിന്റെ ഷൂട്ടിംഗ് ലൊക്കേഷനിൽ നിന്നുള്ള വീഡിയോ ഷെയർ ചെയ്തിരിക്കുകയാണ് മോഹൻലാൽ.

നടനായും നിർമ്മാതാവായും മുമ്പ് കണ്ടിട്ടുണ്ടെങ്കിലും ഒരു സംവിധായകന്റെ റോളിൽ മോഹൻലാൽ എങ്ങനെ തിളങ്ങുമെന്നറിയാൻ ആകാംക്ഷയിലാണ് മലയാളികൾ. നിരവധി വിദേശ താരങ്ങളേയും മലയാളി അഭിനേതാക്കളേയും ഉൾക്കൊള്ളിക്കുന്ന ഫാന്റസി ത്രില്ലറാണ് ബറോസ്. ത്രീഡിയിലാണ് ഈ സിനിമ ഒരുക്കിയിരിക്കുന്നത്.

ലാലേട്ടന്റെ സംവിധായക മികവിന് കൈയടിക്കാനും ഈ ചിത്രം നെഞ്ചോട് ചേർക്കാനും താരരാജാവിന്റെ ആരാധകരെല്ലാം കാത്തിരിക്കുകയാണ്.