മോഹൻലാൽ നായകനാകുന്ന ഏറ്റവും പുതിയ ചിത്രം ബിഗ്ബ്രദറിന്റെ മോഷൻ പോസ്റ്റർ റിലീസ് ചെയ്തു അണിയറ പ്രവർത്തകർ. സിദ്ദിഖ് സംവിധാനെ ചെയ്യുന്ന ചിത്രം അടുത്ത വർഷം ജനുവരിയിൽ തീയറ്ററുകളിലെത്തും. ലേഡീസ് ആൻഡ് ജെന്റിൽമാന് ശേഷം മോഹൻലാൽ-സിദ്ദിഖ് കൂട്ടുകെട്ട് ഒന്നിക്കുന്ന ചിത്രമാണ് ബിഗ്ബ്രദർ. ‘ഹീ ഈസ് ഓൺ ബോർഡ്’ എന്ന കുറിപ്പോടെയാണ് മോഷൻ പോസ്റ്റർ റിലീസ് ചെയ്തിരിക്കുന്നത്. മോഹൻലാലിന്റെ ഫെയ്സ്ബുക്ക് പേജിലാണ് മോഷൻ പോസ്റ്റർ ആദ്യം പ്രത്യക്ഷപ്പെട്ടത്.

ചിത്രത്തിൽ സച്ചിദാനന്ദൻ എന്ന കഥാപാത്രത്തെയാണ് മോഹൻലാൽ അവതരിപ്പിക്കുന്നത്. മോഹൻലാലിന്റെ സഹോദരന്മാരായി അനൂപ് മേനോനും സർജാനോ ഖാലീദും എത്തുന്നു. ബോളിവുഡ് താരം സല്‍മാന്‍ ഖാന്റെ സഹോദരന്‍ അർബാസ് ഖാനും ബിഗ് ബ്രദറിലുണ്ട്. വേദാന്തം ഐപിഎസ് എന്ന കഥാപാത്രത്തെയാണ് ചിത്രത്തിൽ അർബാസ് അവതരിപ്പിക്കുന്നത്.

സിദ്ദിഖ് തന്നെയാണ് ചിത്രത്തിന്റെ രചനയും. ജിത്തു ദാമോദർ ഛായഗ്രഹണം നിർവഹിക്കുന്ന ചിത്രത്തിനായി സംഗീതം ഒരുക്കുന്നത് ദീപക് ദേവാണ്. സിനിമയുടെ ചിത്രീകരണം പൂർത്തിയായിട്ടില്ലെന്നാണ് പുറത്തുവരുന്ന റിപ്പോർട്ടുകൾ.

Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook