26 വര്‍ഷങ്ങള്‍ക്കിപ്പുറവും, പറഞ്ഞറിയാനാകാത്ത ഒരു ഹൃദയവികാരത്തോടെ മാത്രമേ മലയാളികള്‍ക്ക് ‘ഭരതം’ എന്ന സിനിമ കണ്ടു തീര്‍ക്കാനാകൂ. ലോഹിതദാസിന്റെ തിരക്കഥയില്‍ സിബി മലയില്‍ സംവിധാനം ചെയ്ത ഈ ചിത്രം മലയാളത്തിലെ എക്കാലത്തെയും മികച്ച സിനിമകളില്‍ ഒന്നാകും. പ്രണവം ആര്‍ട്‌സിന്റെ ബാനറില്‍ മോഹന്‍ലാല്‍ നിര്‍മ്മിച്ച ഭരതം ഇന്നും നമുക്ക് നെഞ്ചുനീറ്റുന്ന ഒരോര്‍മ്മയാണ്.

A post shared by ᎢᎬᎪᎷ ᎷΟᎻᎪNᏞᎪᏞ (@team.mohanlal) on

കല്ലൂര്‍ ഗോപിനാഥന്‍, രാമനാഥന്‍ എന്നീ സഹോദരങ്ങളുടെ മാനസിക വ്യഥകളിലൂടെ കണ്ടിരുന്നവരൊക്കെ സഞ്ചരിച്ചു. ആ കുടുംബത്തൊടൊപ്പം ചിരിച്ചു, കരഞ്ഞു. ചേട്ടന്റെ മരണവിവരം വീട്ടുകാരെ അറിയിക്കാതെ, ഒന്നു കരയാന്‍ പോലുമാകാതെ ഗോപിനാഥന്‍ എന്ന മോഹന്‍ലാല്‍ കഥാപാത്രം നെഞ്ചുപൊട്ടി പാടിയപ്പോള്‍ തകര്‍ന്നത് നമ്മുടെയൊക്കെ ഹൃദയങ്ങളായിരുന്നു.

ചിത്രത്തിലെ അഭിനയം മോഹന്‍ലാലിന് മികച്ച നടനുള്ള ദേശീയ പുരസ്‌കാരം നേടിക്കൊടുത്തു. എന്നാല്‍ ആ പുരസ്കാരം നെടുമുടിവേണുവിന് അർഹതപ്പെട്ടതായിരുന്നു എന്ന് അഭിപ്രായപ്പെട്ടവരും നിരവധിയാണ്. കല്ലൂര്‍ ഗോപിനാഥനേക്കാള്‍ പലപ്പോഴും തിളങ്ങിയതും ഉള്ളില്‍ തട്ടിയതും കല്ലൂര്‍ രാമനാഥനായിരുന്നു എന്നായിരുന്നു പലരുടേയും വാദം. എന്നാല്‍, അതിന് നെടുമുടിവേണു തന്നെ മറുപടി പറഞ്ഞിട്ടുണ്ട് – രാമനാഥന് സഞ്ചരിക്കാന്‍ ഒരു പാതയേ ഉള്ളൂ. ഗോപിനാഥന്‍ അങ്ങനെയല്ല. അയാള്‍ പലപ്പോഴും ജീവിതത്തിന്റെ നൂല്‍പ്പാലത്തിലൂടെയാണ് സഞ്ചരിക്കുന്നത്.

Get Malayalam News and latest news update from India and around the world. Stay updated with today's latest Entertainment news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ