സംഭവം ഇറിക്ക്; ബറോസിന്റെ വരവ് വെറുതെയാവില്ല, വൈറലായി ചിത്രങ്ങൾ

മലയാളത്തിന്റെ അഭിമാനതാരം മോഹൻലാൽ ആദ്യമായി സംവിധാനം ചെയ്യുന്ന ബറോസ് തിയേറ്ററുകളിലെത്തുന്നത് കാത്തിരിക്കുകയാണ് പ്രേക്ഷകർ

റിലീസിനു മുന്നോടിയായി ചിത്രത്തിന്റെ ബിഹൈൻഡ് സീൻ വീഡിയോ പുറത്തുവിട്ടിരിക്കുകയാണ് മോഹൻലാൽ.

വീഡിയോയിൽ ചിത്രത്തിന്റെ ഏതാനും സ്റ്റിൽസും കൊളാഷായി നൽകിയിട്ടുണ്ട്.

മേക്കിംഗിൽ ക്വാളിറ്റി മോഹൻലാൽ ഉറപ്പുവരുത്തിയിട്ടുണ്ട് എന്നതിന്റെ തെളിവായി മാറുകയാണ് ഈ സ്റ്റില്ലുകൾ അത്രയും

വാസ്കോഡഗാമയുടെ നിധി സൂക്ഷിപ്പുകാരനായ ബറോസ് എന്ന ഭൂതത്തിന്റെ കഥയാണ് ചിത്രം പറയുന്നത്. നിധി തേടി ഒരു കുട്ടി ബറോസിനു മുന്നിലെത്തുന്നതാണ് കഥയുടെ പ്രമേയം.

ബാറോസ്: ഗാര്‍ഡിയന്‍ ഓഫ് ഡി'ഗാമാസ് ട്രെഷര്‍ എന്ന പേരിലുള്ള നോവല്‍ അടിസ്ഥാനമാക്കി ജിജോ പുന്നൂസാണ് തിരക്കഥ ഒരുക്കിയിരിക്കുന്നത്. ബറോസ് എന്ന നിധിസൂക്ഷിപ്പുകാരന്റെ വേഷം അവതരിപ്പിക്കുന്നതും മോഹൻലാൽ തന്നെ.

ഒരേസമയം സംവിധായകനായും നടനായും തിളങ്ങുന്ന മോഹൻലാലിനെയാണ് ഈ വീഡിയോയിൽ കാണാനാവുക

ചിത്രത്തിൽ മോഹൻലാലിനൊപ്പം പാസ് വേഗ, റാഫേൽ അമാർഗോ തുടങ്ങിയ സ്പാനിഷ് താരങ്ങളും അഭിനയിക്കുന്നുണ്ട്.

ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ബറോസിന്റെ നിർമാണം.

സന്തോഷ് ശിവനാണ് ഛായാഗ്രാഹകൻ.