Latest News
രാജ്യത്ത് 43,654 പേര്‍ക്ക് കോവിഡ്; പ്രതിദിന കേസുകളില്‍ 47 ശതമാനം വര്‍ധനവ്; 640 മരണം
Tokyo Olympics Day 5: ബാഡ്മിന്റണ്‍: പ്രതീക്ഷയായി സിന്ധു; രണ്ടാം ജയം
നിയമസഭാ കയ്യാങ്കളി കേസില്‍ സുപ്രീം കോടതി വിധി ഇന്ന്
വാക്സിന്‍ ക്ഷാമത്തിന് പരിഹാരം; ഇന്ന് അഞ്ച് ലക്ഷം ഡോസെത്തും

‘ന്റെ ശിവനേ!’; സുരാജിന്റെ പാട്ടിന് മോഹന്‍ലാലിന്റെ അഭിനന്ദനം, വീഡിയോ

നേരത്തെ പുറത്തിറങ്ങിയ ചിത്രത്തിലെ ചക്ക പാട്ടും ഹിറ്റായിരുന്നു. വ്യത്യസ്തമായ രീതിയില്‍ ഒരുക്കിയ ഗാനവും ഗാനരംഗങ്ങളും ഏറെ പ്രശംസ നേടിയിരുന്നു.

അഭിനയത്തിലെ തിളക്കം ഗാനാലാപനത്തിലും ആവര്‍ത്തിക്കാന്‍ ഒരുങ്ങി സുരാജ് വെഞ്ഞാറമൂട്. സുരാജ് കേന്ദ്ര കഥാപാത്രത്തെ അവതരിപ്പിക്കുന്ന കുട്ടന്‍പിള്ളയുടെ ശിവരാത്രിയിലൂടെയാണ് സുരാജ് ഗായകനാകുന്നത്. ഗാനത്തിന്റെ റിലീസ് നിര്‍വ്വഹിച്ചത് മോഹന്‍ലാലായിരുന്നു.

പാട്ടുകേട്ട മോഹന്‍ലാല്‍ സുരാജിനെ അഭിനന്ദിക്കുന്ന വീഡിയോ അണിയറ പ്രവര്‍ത്തകര്‍ പുറത്ത് വിട്ടിട്ടുണ്ട്. എന്റെ ശിവനേ എന്നു തുടങ്ങുന്ന ഗാനം തയ്യാറാക്കിയ അണിയറ പ്രവര്‍ത്തകരേയും മോഹന്‍ ലാല്‍ അഭിനന്ദിച്ചു. പ്രശസ്ത ഗായിക സയനോരയാണ് ചിത്രത്തിന്റെ സംഗീത സംവിധാനം നിര്‍വ്വഹിച്ചിരിക്കുന്നത്. പാട്ടുകേട്ട ശേഷം മോഹന്‍ലാല്‍ സുരാജിനെയും ചിത്രത്തിന്റെ അണിയറപ്രവര്‍ത്തകരെയും അനുമോദിക്കുന്നതും വിഡിയോയിലുണ്ട്.

നേരത്തെ പുറത്തിറങ്ങിയ ചിത്രത്തിലെ ചക്ക പാട്ടും ഹിറ്റായിരുന്നു. വ്യത്യസ്തമായ രീതിയില്‍ ഒരുക്കിയ ഗാനവും ഗാനരംഗങ്ങളും ഏറെ പ്രശംസ നേടിയിരുന്നു. സംഗീത സംവിധാന രംഗത്തേക്കുള്ള സയനോരയുടെ കടന്നു വരവിനും ചിത്രം വേദിയായി മാറിയിരിക്കുകയാണ്.

ചിത്രത്തില്‍ കോണ്‍സ്റ്റബിള്‍ കുട്ടന്‍ പിള്ളയെന്ന മലയാള സിനിമയിലെ സ്ഥിരം പൊലീസ് കഥാപാത്രമായാണ് സുരാജ് എത്തുന്നത്. നാളെയാണ് ഗാനത്തിന്റെ പൂര്‍ണ്ണ വീഡിയോ പുറത്തിറങ്ങുന്നത്. ജീന്‍ മാര്‍ക്കോസാണ് ചിത്രം സംവിധാനം ചെയ്തിരിക്കുന്നത്.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Mohanlal appreciates suraj venjaramoods singing

Next Story
ആഡംബര കാറിന് ഇഷ്ടപ്പെട്ട നമ്പർ സ്വന്തമാക്കാൻ പൃഥ്വിരാജ് ചെലവാക്കിയത് ലക്ഷങ്ങൾ
The moderation of comments is automated and not cleared manually by malayalam.indianexpress.com