Latest News
ശിവന്‍കുട്ടിക്ക് വിദ്യാഭ്യാസ മന്ത്രിയായി തുടരാന്‍ അര്‍ഹതയില്ല; രാജി ആവശ്യവുമായി പ്രതിപക്ഷം
കര്‍ണാടക: ബസവരാജ് ബൊമ്മെ മുഖ്യമന്ത്രിയായി സത്യപ്രതിജ്ഞ ചെയ്തു

നടി മേഘ്‌ന രാജിന്റെ വിവാഹ നിശ്ചയം കഴിഞ്ഞു; വരൻ യുവതാരം ചിരഞ്ജീവി സർജ

രണ്ടു വർഷത്തെ പ്രണയത്തിനൊടുവിലാണ് ഇപ്പോൾ ഇരുവരും വിവാഹിതരാകാൻ പോകുന്നത്

തെന്നിന്ത്യൻ സുന്ദരി മേഘ്‌ന രാജിന്റെ വിവാഹനിശ്ചയം കഴിഞ്ഞു. കന്നട യുവതാരം ചിരഞ്ജീവി സർജയാണ് മേഘ്‌നയുടെ വരൻ. ബെംഗളൂരു ജെപി നഗറിലുള്ള മേഘ്‌നയുടെ വസതിയില്‍ വച്ചായിരുന്നു വിവാഹനിശ്ചയ ചടങ്ങുകള്‍. ഇരുവരുടെയും അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്. വൈകീട്ട് ഹോട്ടല്‍ ലീലപാലസില്‍ സത്കാരം നടന്നു.

ആട്ടഗര എന്ന ചിത്രത്തില്‍ ഒരുമിച്ച് അഭിനയിക്കുന്പോഴാണ് മേഘ്‌നയും ചിരഞ്ജീവിയും സൗഹൃദത്തിലാവുന്നത്. സൗഹൃദം പിന്നീട് പ്രണയമായി മാറി. രണ്ടു വർഷത്തെ പ്രണയത്തിനൊടുവിലാണ് ഇപ്പോൾ ഇരുവരും വിവാഹിതരാകാൻ പോകുന്നത്. ഡിസംബർ ആറിനാണ് താരവിവാഹം നടക്കുക.

വിനയന്‍ സംവിധാനം ചെയ്ത യക്ഷിയും ഞാനും എന്ന ചിത്രത്തിലൂടെയാണ് മേഘ്‌ന രാജ് മലയാളത്തിലേക്ക് എത്തുന്നത്. പിന്നീട് ഒരുപിടി ശ്രദ്ധേയമായ മലയാള ചിത്രങ്ങളുടെ ഭാഗമായി മേഘ്‌ന മാറി. ബ്യൂട്ടിഫുൾ, റെഡ്‌വൈൻ, മെമ്മറീസ് തുടങ്ങിയ നിരവധി ചിത്രങ്ങളിൽ അഭിനയിച്ചു. നരേന്‍ നായകനായി എത്തിയ ഹാലേലുയ്യയാണ് ഒടുവില്‍ പുറത്തിറങ്ങിയ മലയാള ചിത്രം. കന്നഡ നടൻ സുന്ദർ രാജിന്റെയും പ്രമീള ജോഷൈയുടെയും മകളാണ് മേഘ്‌ന.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Meghana raj chiranjeevi sarja engagement who attend celebrity couples ring exchanging event

Next Story
മുഖം മറച്ച് പ്രഭാസ്; ‘സാഹോ’യുടെ ഫസ്റ്റ് ലുക്ക് ഇങ്ങനെ!Prabhas, First Look, Saaho
The moderation of comments is automated and not cleared manually by malayalam.indianexpress.com