മനു എസ് പിള്ളയുടെ ‘ദ ഐവറി ത്രോണ്‍: ക്രോണിക്കിള്‍സ് ഓഫ് ദ ഹൗസ് ഓഫ് ട്രാവന്‍കൂര്‍’ സിനിമയാകുന്നു. ബ്രഹ്മാണ്ഡ സിനിമയായ ബാഹുബലിയുടെ നിര്‍മ്മാതാക്കളാണ് നോവല്‍ സിനിമയാക്കാനൊരുങ്ങുന്നത്. വാസ്‌കോ ഡ ഗാമയുടെ കേരള സന്ദര്‍ശനവും തുടര്‍ന്നുണ്ടായ സംഭവങ്ങളും പറയുന്ന പുസ്തകം സിനിമയാക്കാനുള്ള അവകാശം ആര്‍ക്കാ മീഡിയ സ്വന്തമാക്കിയതായാണ് റിപ്പോര്‍ട്ട്.
യുവ സാഹിത്യ അക്കാദമി അവര്‍ഡ്, ടാറ്റ ലിറ്ററേച്ചര്‍ ലൈവ് ബെസ്റ്റ് ഡെബ്യൂ( നോണ്‍ ഫിക്ഷന്‍), അവാര്‍ഡുകളടക്കം നേടിയിട്ടുള്ള ഹിറ്റ് പുസ്തകം സിനിമയാകുമ്പോള്‍ ആരാധകരും ആകാംഷയിലാണ്. വാര്‍ത്ത സ്ഥിരീകരിച്ചു കൊണ്ട് മനു എസ് പിള്ള ട്വീറ്റ് ചെയ്തിട്ടുണ്ട്.
തീരുവതാംകൂറിലെ അവസാനത്തെ റാണിയായ സേതു ലക്ഷ്മി ഭായിയുടെ ജീവിതം പറയുന്ന പുസ്തകത്തില്‍ രാജ രവി വര്‍മ്മയെ പോലുള്ളവരും കടന്നു വരുന്നുണ്ട്. കേരളത്തിലെ സുഗന്ധവ്യഞ്ജനങ്ങള്‍ തേടി വാസ്‌കോഡ ഗാമ 1498 ല്‍ കേരളത്തിലെത്തുന്നത് മുതലാണ് കഥ ആരംഭിക്കുന്നത്. 2015 ലാണ് പുസ്തകം പുറത്തിറങ്ങിയത്.
Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook
