ഇതാര് മായാജാലക്കാരിയോ? ഫൺ മൂഡിൽ മഞ്ജു, ചിത്രങ്ങൾ വൈറൽ

മലയാളികളുടെ പ്രിയതാരമാണ് മഞ്ജു വാര്യർ. യൂത്തിനും കുടുംബപ്രേക്ഷകർക്കും ഒരുപോലെ പ്രിയങ്കരി. അനുദിനം ചെറുപ്പമാകുന്ന നടി എന്നാണ് ആരാധകർ മഞ്ജുവിനെ വിശേഷിപ്പിക്കുന്നത്.

മഞ്ജു പങ്കുവച്ച പുതിയ ചിത്രങ്ങളും ആ വിശേഷണത്തിനു അടിവരയിടും. ലുക്കിലും ഗെറ്റപ്പിലുമൊക്കെ ഏറെ മാറ്റങ്ങളോടെ അനുദിനം കാഴ്ചക്കാരെ വിസ്മയിപ്പിക്കുകയാണ് മഞ്ജു.

"നിങ്ങൾ ആഗ്രഹിക്കുന്ന സ്നേഹമായി സ്വയം രൂപാന്തരപ്പെടുക," എന്ന അടിക്കുറിപ്പോടെയാണ് മഞ്ജു ചിത്രങ്ങൾ ഷെയർ ചെയ്തത്.

നീളൻ ഗൗണും കൂളിങ് ഗ്ലാസ്സും കണ്ണടയുമാണ് മഞ്ജുവിന്റെ വേഷം.

വളരെ ചുറുചുറുക്കോടെ പോസ് ചെയ്യുന്ന മഞ്ജുവിനെയാണ് ചിത്രങ്ങളിൽ കാണാനാവുക.

രജനീകാന്തിനൊപ്പം വേട്ടയ്യനിലാണ് ഒടുവിൽ മഞ്ജു അഭിനയിച്ചത്. ചിത്രത്തിൽ രജനീകാന്തിന്റെ ഭാര്യയുടെ വേഷമായിരുന്നു മഞ്ജുവിന്.

മഞ്ജുവിന്റെ പ്രൈവറ്റ് സെക്രട്ടറിയായ ബിനീഷ് ചന്ദ്രനാണ് ചിത്രങ്ങൾ പകർത്തിയിരിക്കുന്നത്. Photo: Manju Warrier | Instagram