പിന്നിൽ അപ്പൂപ്പൻ കലിപ്പിലാണല്ലോ ചേച്ചി; മഞ്‌ജുവിന്റെ രാജസ്ഥാൻ വീഡിയോ വൈറലാക്കുന്ന അജ്ഞാതൻ

യാത്രകൾ ഇഷ്ടപ്പെടുന്ന ആളാണ് നടി മഞ്‍ജു വാര്യർ. സിനിമയിൽ അഭിനയിക്കുന്നതിന്റെ ഭാഗമായും അല്ലാതെയും തരാം യാത്രകൾ നടത്താറുണ്ട്. അതിന്റെ വിവരങ്ങളും സോഷ്യൽ മീഡിയയിലൂടെ അവർ പങ്കു വയ്ക്കാറുണ്ട്.

രാജസ്ഥാനിലെ ജയ്സാൽമീറിൽ നിന്നുള്ള ഒരു വീഡിയോ ആണ് ഇന്ന് മഞ്‍ജു തന്റെ ഇൻസ്റ്റാഗ്രാമിൽ ഷെയർ ചെയ്തിരിക്കുന്നത്. വഴിയോരത്തെ കടയിൽ നിന്നും റിലാക്സ്ഡ് ആയി ചായയും കടിയും കഴിക്കുന്ന താരത്തെയാണ് വിഡിയോയിൽ കാണാൻ കഴിയുക. എന്നാൽ നെറ്റിസൺസിന്റെ ശ്രദ്ധയിൽപെട്ടത് മഞ്‍ജുവും ചായയും ഒന്നുമല്ല. മഞ്‍ജുവിന്റെ പിന്നിൽ ഇരുന്നു ക്യാമറയ്ക്ക് പോസ് ചെയ്യുന്ന സ്റ്റൈലിഷ് ആയ ഒരു അപ്പൂപ്പനെയാണ്.

'ബാക്കിലിരിക്കുന്ന അപ്പൂപ്പൻ കലിപ്പിലാണല്ലോ' ഏന് പേളി മാണി അടക്കം പലരും കമന്റ് ചെയ്തിട്ടുണ്ട്.

സംവിധായകൻ വെട്രിമാരന്റെ തമിഴ് ചിത്രത്തിലാണ് മഞ്‍ജു ഇപ്പോൾ അഭിനയിച്ചു വരുന്നത് എന്നാണു റിപ്പോർട്ടുകൾ സൂചിപ്പിക്കുന്നത്. അജിത്തിനൊപ്പം മഞ്‍ജു എത്തുന്ന ചിത്രവും അണിയറയിൽ ഒരുങ്ങുകയാണ്. മനു ആനന്ദിന്റെ അടുത്ത തമിഴ് ചിത്രത്തിലും മഞ്‍ജു വാര്യർ പ്രധാന വേഷത്തിൽ എത്തുന്നുണ്ട് എന്നാണ് റിപോർട്ടുകൾ.