ഒന്നിൽ നിന്നും വീണ്ടും തുടങ്ങിയ കരിയർ, ഇന്ന് കോടികളുടെ ആസ്തി

മലയാളത്തിന്റെ പ്രിയപ്പെട്ട താരമാണ് മഞ്ജു വാര്യർ. സൂപ്പർസ്റ്റാർ പദവി നടന്മാർ മാത്രം കയ്യാളുന്ന ഒരു ഇൻഡസ്ട്രിയിൽ ആ പദവി നേടിയെടുത്ത ഏക നടിയും മഞ്ജുവാണ്. മലയാളി ഒരു നായികയുടെ തിരിച്ചു വരവ് ആഘോഷമാക്കിയിട്ടുണ്ടെങ്കിൽ അത് മഞ്ജുവിന്റെ തിരിച്ചുവരവാണ്.

15 വർഷങ്ങൾക്കു ശേഷം അഭിനയത്തിലേക്ക് തിരിച്ചെത്തിയ മഞ്ജു വാര്യർ ഇന്ന് മലയാളത്തില്‍ ഏറ്റവും അധികം ശമ്പളം വാങ്ങുന്ന താരങ്ങളില്‍ ഒരാളാണ്. ജീവിതത്തിന്റെ സെക്കന്റ് ഇന്നിങ്സ് മഞ്ജു ആരംഭിച്ചിട്ട് 11 വർഷങ്ങൾ കഴിഞ്ഞിരിക്കുന്നു.

നിരവധി സ്ഥാപനങ്ങളുടെ ബ്രാൻഡ് അംബാസിഡറാണ് മഞ്ജു ഇന്ന്. സർക്കാരിന്റെ പല സംരംഭങ്ങളുടേയും ബ്രാൻഡ് അംബാസിഡർ സ്ഥാപനവും മഞ്ജു അലങ്കരിക്കുന്നുണ്ട്.

ഇന്ന് 50 ലക്ഷം മുതൽ ഒരു കോടി രൂപ വരെയാണ് മഞ്ജു സിനിമകൾക്കായി ഈടാക്കുന്നത് എന്നാണ് റിപ്പോർട്ട്. മലയാളത്തില്‍ ഒരു സിനിമക്ക് 50 ലക്ഷവും തുനിവ് പോലുള്ള തമിഴ് ചിത്രങ്ങൾക്ക് ഒരു കോടി രൂപയും മഞ്ജു പ്രതിഫലം കൈപ്പറ്റിയെന്നും റിപ്പോർട്ടുകളുമുണ്ട്.

അഭിനയത്തിനൊപ്പം തന്നെ പരസ്യരംഗത്തും സജീവമാണ് മഞ്ജു വാര്യർ. 150 കോടിയോളമാണ് മഞ്ജുവാര്യരുടെ ആകെ ആസ്തി എന്നാണ് റിപ്പോർട്ടുകൾ പറയുന്നത്. പരസ്യങ്ങള്‍ക്ക് മഞ്ജു വലിയ തുക തന്നെ ഈടാക്കുന്നു എന്നും റിപ്പോർട്ടുകളുണ്ട്.