രണ്ടു സൂപ്പർസ്റ്റാറുകൾ ഒറ്റ ഫ്രെയിമിൽ; വനിതാദിനത്തിൽ ഇതിലും മികച്ച കാഴ്ച എന്തുണ്ടെന്ന് ആരാധകർ

താരങ്ങൾ തമ്മിലുള്ള സൗഹൃദവും അവരൊന്നിച്ചുള്ള ചിത്രങ്ങളുമൊക്കെ കാണാൻ ആരാധകർക്ക് എപ്പോഴും ഇഷ്ടമാണ്. സൂപ്പർസ്റ്റാർ താരപദവിയിൽ നിൽക്കുന്ന മലയാളത്തിന്റെ അഭിമാനതാരങ്ങളായ രണ്ടു നടിമാരാണ് മഞ്ജു വാര്യരും നയൻതാരയും. ഇരുവരും തമ്മിൽ ഊഷ്മളമായൊരു ആത്മബന്ധം പങ്കിടുന്നുണ്ട്. എന്റെ സൂപ്പർസ്റ്റാർ എന്നാണ് മഞ്ജു നയൻതാരയെ വിളിക്കുന്നത്. 

നയൻതാരയുടെ ബോളിവുഡ് അരങ്ങേറ്റ ചിത്രമായ ജവാന് ആശംസകൾ നേർന്നും പിറന്നാൾ ആശംസകൾ നേർന്നുമൊക്കെ മഞ്ജുവാര്യർ ഇടയ്ക്ക് ഇൻസ്റ്റഗ്രാം സ്റ്റോറീസ് പങ്കുവയ്ക്കാറുണ്ട്. 

വനിതാദിനത്തിൽ മഞ്ജു പങ്കുവച്ച ചിത്രമാണ് ശ്രദ്ധ കവരുന്നത്. നയൻതാരയ്ക്ക് ഒപ്പമുള്ള ചിത്രമാണ് മഞ്ജുവാര്യർ പോസ്റ്റ് ചെയ്തിരിക്കുന്നത്. 

"നമ്മുടെയെല്ലാം ഉള്ളിൽ അത്ഭുതകരമായ ഒരു സ്ത്രീ ഉണ്ട്. എൻ്റെ അരികിലും അങ്ങനെ ഒരാളുണ്ട്! ഒരുപാട് സ്നേഹം എന്റെ സൂപ്പർസ്റ്റാറിന്," എന്നാണ് മഞ്ജു കുറിച്ചത്.

View this post on Instagram

A post shared by Manju Warrier (@manju.warrier)

വനിതാദിനത്തിൽ ഇതിലും മികച്ചൊരു ഫ്രെയിം കാണാൻ കിട്ടില്ലെന്നാണ് ആരാധകരുടെ കമന്റ്. 

"ഈ പടം കണ്ട് ഒരുപാട് സന്തോഷം തോന്നുന്നു, കേരളത്തിന്റെ താരറാണികൾ," എന്നാണ് മറ്റൊരു കമന്റ്.