ഞാൻ എന്നോട് മന്ത്രിച്ചു, പോയി ജീവിക്കൂ; യാത്രാചിത്രങ്ങളുമായി മഞ്ജു

മലയാളികളുടെ പ്രിയപ്പെട്ട നടിയാണ് മഞ്ജു വാര്യർ. ഒരിടവേളയ്ക്ക് ശേഷം അഭിനയത്തിലേക്ക് തിരിച്ചെത്തിയ മഞ്ജു വാര്യർ ഇപ്പോൾ മലയാളത്തിനൊപ്പം തമിഴിലും സജീവമാണ്.

സോഷ്യൽ മീഡിയയിലും ഏറെ സജീവമായ മഞ്ജു ഷെയർ ചെയ്യുന്ന യാത്രാ വിശേഷങ്ങളും ഫോട്ടോഷൂട്ടുകളുമൊക്കെ ഏറെ ശ്രദ്ധ നേടാറുണ്ട്.

സിനിമാതിരക്കുകൾ ഒഴിയുമ്പോൾ യാത്രകൾ ചെയ്യാനാണ് മഞ്ജുവിനിഷ്ടം. അടുത്തിടെ യൂറോപ്പിലേക്കു നടത്തിയ ഒരു യാത്രയിൽ നിന്നുള്ള ചിത്രങ്ങളാണ് മഞ്ജു വാര്യർ ഷെയർ ചെയ്തിരിക്കുന്നത്

"ഞാൻ എന്നോട് മന്ത്രിച്ചു; പോയി ജീവിക്കൂ!" എന്നാണ് മഞ്ജു ചിത്രങ്ങൾക്ക് ക്യാപ്ഷൻ നൽകിയിരിക്കുന്നത്.

സ്റ്റൈലിഷ് ലുക്കിലുള്ള മഞ്ജുവിനെയാണ് ചിത്രങ്ങളിൽ കാണാനാവുക.

സിനിമകളിലെ മഞ്ജുവിനെ മാത്രമല്ല, ജീവിതത്തിലെ മഞ്ജുവിനെയും മലയാളികൾക്ക് ഏറെയിഷ്ടമാണ്. സ്ക്രീനിനു പുറത്തെ മഞ്ജുവിന്റെ വിശേഷങ്ങളറിയാനും ചിത്രങ്ങൾ കാണാനുമൊക്കെ ആരാധകർക്ക് താൽപ്പര്യമേറെയാണ്.

വിജയ് സേതുപതിയ്ക്ക് ഒപ്പം അനുഭവിച്ച വിടുതലൈ 2 ആണ് മഞ്ജുവിന്റെ ഏറ്റവും പുതിയ റിലീസ്. ഡിസംബര്‍ 20നാണ് ചിത്രം തിയേറ്ററിലെത്തിയത്. വെട്രിമാരന്‍ സംവിധാനം ചെയ്ത വിടുതലൈ 2, 2023ല്‍ ഇറങ്ങിയ ചിത്രത്തിന്‍റെ രണ്ടാം ഭാഗമാണ്.