ബത്‌ല‌ഹേം വീഥികളിൽ ചുറ്റിക്കറങ്ങി മഞ്ജു വാര്യർ; വീഡിയോ

മലയാളികൾ എന്നും നെഞ്ചോടു ചേർത്തുവയ്ക്കുന്ന ചിത്രങ്ങളിലൊന്നാണ് 'സമ്മർ ഇൻ ബത്ലഹേം'. ഒരു അവധിക്കാലം ആഘോഷിക്കാൻ ഡെന്നീസിന്റെ ബത്ലഹേമിലെത്തിയ ആമി മഞ്ജുവാര്യരുടെ കരിയറിലെ തന്നെ ഏറ്റവും ജനപ്രീതി നേടിയ കഥാപാത്രമാണ്. ഇപ്പോഴിതാ, യഥാർത്ഥ ബത്ലഹേമിലെത്തിയിരിക്കുകയാണ് മഞ്ജു വാര്യർ. ബത്ലഹേം വീഥികളിൽ ചുറ്റികറങ്ങുന്ന മഞ്ജുവിന്റെ വീഡിയോ പങ്കുവച്ചിരിക്കുകയാണ് നടനും അവതാരകനും റേഡിയോ ജോക്കിയുമായ മിഥുൻ രമേശ്.

'മഞ്ജു ഇൻ ബത്ലഹേം' എന്ന അടിക്കുറിപ്പോടെയാണ് മിഥുൻ വീഡിയോ ഷെയർ ചെയ്തിരിക്കുന്നത്.

അജിത്തിനൊപ്പം എത്തുന്ന 'തുനിവ്' എന്ന ചിത്രത്തിന്റെ തിരക്കിലാണിപ്പോൾ മഞ്ജു. അജിത്-എച്ച് വിനോദ് കൂട്ടുകെട്ടിൽ കോളിവുഡിൽ ഒരുങ്ങുന്ന മൂന്നാമത്തെ ചിത്രമാണ് 'തുനിവ്'. വലിമൈ, ബോളിവുഡ് ചിത്രം പിങ്കിന്റെ റീമേക്കായ നേർക്കൊണ്ട പാർവൈ എന്നിവയാണ് അജിത്-വിനോദ് കൂട്ടുക്കെട്ടിൽ പിറന്ന മറ്റു ചിത്രങ്ങൾ. സീ സ്റ്റുഡിയോസും ബോണി കപൂറിന്റെ ബെയ് വ്യൂ പ്രോജക്ടും ചേർന്നാണ് 'തുനിവ്' നിർമിക്കുന്നത്. 'ആയിഷ','വെള്ളരിപട്ടണം' എന്നിവയാണ് മഞ്ജുവിന്റെ മറ്റു പുതിയ ചിത്രങ്ങൾ.