scorecardresearch

മധുബാലയുടെ കൈക്ക് ചെറിയ തകരാറുണ്ട്, പക്ഷേ ആ നാണം കണ്ടോ?; സേതു ലക്ഷ്മിയ്‌ക്കൊപ്പം റീലുമായി മഞ്ജു പത്രോസ്

‘എൻ വീട്ടു തോട്ടത്തിൽ’ എന്ന ഗാനത്തിനൊപ്പം അഭിനയിക്കുകയാണ് മഞ്ജുവും സേതുലക്ഷ്മിയമ്മയും

മധുബാലയുടെ കൈക്ക് ചെറിയ തകരാറുണ്ട്, പക്ഷേ ആ നാണം കണ്ടോ?; സേതു ലക്ഷ്മിയ്‌ക്കൊപ്പം റീലുമായി മഞ്ജു പത്രോസ്

മലയാളികൾക്ക് ഏറെ പ്രിയങ്കരിയാണ് സേതുലക്ഷ്മിയമ്മ. നാടക വേദിയിൽ നിന്നും സിനിമയിലേക്ക് എത്തിയ അഭിനേത്രിയാണ് അവർ. സീരിയലുകളിലും സജീവമാണ് സേതുലക്ഷ്മി. ടിവി പരമ്പരയായ സൂര്യോദയത്തില്‍ അഭിനയിച്ചു കൊണ്ടിരിക്കുമ്പോഴാണ് സത്യന്‍ അന്തിക്കാട് രസതന്ത്രം, വിനോദ യാത്ര, ഭാഗ്യദേവത എന്നീ സിനിമകളില്‍ അഭിനയിക്കാന്‍ അവസരം നല്‍കുന്നത്. ലെഫ്റ്റ് റൈറ്റ് ലെഫ്റ്റ്, ഹൗ ഓള്‍ഡ് ആര്‍ യു എന്നീ ചിത്രങ്ങളിലെല്ലാം മികച്ച വേഷങ്ങള്‍ സേതുലക്ഷ്മിയമ്മ കൈകാര്യം ചെയ്തിരുന്നു.

മലയാളികളുടെ പ്രിയപ്പെട്ട ഈ അമ്മയ്ക്ക് ഒപ്പമുള്ള ഒരു റീൽ പങ്കുവച്ചിരിക്കുകയാണ് നടി മഞ്ജു പത്രോസ്. ജെന്റിൽമാൻ എന്ന ചിത്രത്തിലെ ‘എൻ വീട്ടു തോട്ടത്തിൽ’ എന്ന ഗാനമാണ് റീലിൽ സേതുലക്ഷ്മിയമ്മയും മഞ്ജു പത്രോസും ചേർന്ന് റീലിൽ ആവിഷ്കരിച്ചരിക്കുന്നത്.

“മധുബാലയുടെ കൈക്ക് ചെറിയ തകരാറുണ്ട്. പക്ഷെ ഓൾടെ നാണം കണ്ടിട്ട് വയ്യ,” എന്ന അടിക്കുറിപ്പോടെയാണ് മഞ്ജു വീഡിയോ ഷെയർ ചെയ്തത്. കയ്യിൽ ബാന്റേജ് ഇട്ട സേതുലക്ഷ്മിയെ ആണ് വീഡിയോയിൽ കാണാനാവുക.

കൗമുദി ടിവിയിലെ ‘അളിയൻസ്’ എന്ന പരമ്പരയിലെ സഹതാരങ്ങളാണ് മഞ്ജു പത്രോസും സേതുലക്ഷ്മിയും. രാജേഷ് തളച്ചിറ സംവിധാനം ചെയ്യുന്ന അളിയൻസ് കനകൻ, ക്ലീറ്റസ് എന്നീ കഥാപാത്രങ്ങളുടെ കുടുംബക്കാഴ്ചകളിലേക്കാണ് പ്രേക്ഷകരെ കൂട്ടികൊണ്ടുപോകുന്നത്. അനീഷ് രവി, റിയാസ് നർമകല, സൗമ്യ ഭാഗ്യനാഥൻ, അക്ഷയ എന്നിവരാണ് സീരിയലിലെ മറ്റു പ്രധാന കഥാപാത്രങ്ങൾ.

Stay updated with the latest news headlines and all the latest Entertainment news download Indian Express Malayalam App.

Web Title: Manju pathrose shares a reel with sethu lakshmi

Best of Express