Latest News

275 ദിവസത്തിന് ശേഷം വീട് വിട്ട് പുറത്തിറങ്ങി മമ്മൂട്ടി; ചിത്രങ്ങൾ ഏറ്റെടുത്ത് ആരാധകർ

സുഹൃത്തുക്കൾക്ക് ഒപ്പമുള്ള സായാഹ്നസവാരിയ്ക്കിടെ കലൂർ സ്റ്റേഡിയത്തിന് മുന്നിൽ നിന്ന് ചൂടു കട്ടൻ ചായ ആസ്വദിക്കുന്ന മമ്മൂട്ടിയുടെ ചിത്രങ്ങളും വീഡിയോകളും സമൂഹമാധ്യമങ്ങളിൽ വൈറലാവുകയാണ്

Mammootty, Mammootty lockdown photos, Mammootty latest photos, Mammootty new films, മമ്മൂട്ടി, Mammootty latest video, indian express malayalam, IE malayalam

സിനിമയിൽ എത്തിയതിനു ശേഷം ഷൂട്ടിങ്ങിൽ നിന്നും പൊതുപരിപാടികളിൽ നിന്നുമെല്ലാം മെഗാസ്റ്റാർ മമ്മൂട്ടി ഇത്രനാൾ വിട്ടു നിന്ന മറ്റൊരുകാലം ഉണ്ടായിട്ടില്ല. രാജ്യത്ത് കോവിഡ് നിയന്ത്രണങ്ങൾ വന്നതോടെ കഴിഞ്ഞ ഒൻപത് മാസക്കാലം വീടിന് അകത്ത് തന്നെ ചെലവഴിക്കുകയായിരുന്നു താരം. സോഷ്യൽ മീഡിയയിൽ പങ്കുവയ്ക്കുന്ന ചിത്രങ്ങളിലൂടെയും വീഡിയോകളിലൂടെയുമാണ് ആരാധകരും സിനിമാലോകവുമെല്ലാം താരത്തെ കണ്ടത്. ഇപ്പോഴിതാ, സുഹൃത്തുക്കൾക്കൊപ്പം സായാഹ്നസവാരിയ്ക്ക് ഇറങ്ങിയ മെഗാസ്റ്റാറിന്റെ ചിത്രങ്ങളാണ് സമൂഹമാധ്യമങ്ങളുടെ​ ശ്രദ്ധ കവരുന്നത്.

സിനിമാ നിർമാതാവ് ആന്റോ ജോസഫ്, പ്രൊഡക്ഷൻ കൺട്രോളർ ബാദുഷ,നടൻ രമേഷ് പിഷാരടി എന്നിവരും മമ്മൂട്ടിയ്ക്ക് ഒപ്പമുണ്ടായിരുന്നു. സവാരിയ്ക്ക് ഇടയിൽ കലൂർ സ്റ്റേഡിയത്തിന് മുന്നിൽ നിന്ന് ചൂടു കട്ടൻ ചായയും ആസ്വദിച്ച ശേഷമായിരുന്നു താരത്തിന്റെ മടക്കം.

‘പ്രീസ്റ്റ്’എന്ന ചിത്രത്തിന്റെ ആദ്യ ഷെഡ്യൂൾ പൂര്‍ത്തിയാക്കി 2020 മാര്‍ച്ച് അഞ്ചിനാണ് മമ്മൂട്ടി വീട്ടിലെത്തിയത്. കോവിഡ് വ്യാപനവും ലോക്ക്ഡൗൺ നിയന്ത്രണങ്ങളും വന്നതോടെ കോവിഡ് പ്രോട്ടോക്കോളുകൾ പാലിച്ച് വീടിനുള്ളിൽ തന്നെ ചെലവഴിക്കുകയായിരുന്നു താരം.

അതിനിടയിൽ എത്തിയ ജന്മദിനവും വീട്ടുകാർക്കും അടുത്ത സുഹൃത്തുക്കൾക്കുമൊപ്പം വീട്ടിൽ തന്നെയായിരുന്നു ആഘോഷിച്ചത്. കൃഷിയും വായനയും ഫോട്ടോഗ്രാഫി പരീക്ഷണവും വ്യായാമവുമൊക്കെയായി ലോക്ക്ഡൗൺ കാലം ചെലവഴിക്കുന്നതിന്റെ വിശേഷങ്ങളും ചിത്രങ്ങളും താരം സമൂഹമാധ്യമങ്ങളിൽ പങ്കുവച്ചിരുന്നു.

ഏതായാലും താരം വീണ്ടും അഭിനയത്തിൽ സജീവമാകാൻ ഒരുങ്ങുന്നു എന്ന പ്രതീക്ഷയിലാണ് ആരാധകർ. മമ്മൂക്ക എന്ന് വീട് വിട്ടിറങ്ങുന്നോ അന്ന് ഞങ്ങൾ ബിലാൽ ആരംഭിക്കും എന്ന് മംമ്ത ഒരു അഭിമുഖത്തിൽ പറഞ്ഞിരുന്നു. അതുകൊണ്ടുതന്നെ, ബിലാലിനു വേണ്ടിയുള്ള കാത്തിരിപ്പിലാണ് ഇപ്പോൾ താരത്തിന്റെ ആരാധകരെല്ലാം തന്നെ.

Read more: ‘ബിലാലി’ലെ അബു ജോൺ കുരിശിങ്കൽ ദുൽഖറോ? മംമ്തയുടെ മറുപടി

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Mammootty steps out of home after 9 months of lockdown

Next Story
നിങ്ങളുടെ അനുഗ്രഹം വേണം; കുടുംബ ചിത്രങ്ങൾ​ പങ്കുവച്ച് സ്നേഹSneha, സ്നേഹ, പ്രസന്ന, prasanna, prasanna birthday, prasanna age, prasanna daughter, prasanna sneha, prasanna sneha daughter, prasanna sneha family, prasanna sneha family photo, sneha daughter, prasanna latest, Indian express malayalam, ഇന്ത്യൻ എക്സ്പ്രസ് മലയാളം, ഐ ഇ മലയാളം, IE malayalam
The moderation of comments is automated and not cleared manually by malayalam.indianexpress.com
Best of Express
X