scorecardresearch
Latest News

IFFK 2022: ‘നൻപകൽ നേരത്ത് മയക്കം’ ആദ്യ പ്രദർശനം ഇന്ന്

ഞായറാഴ്ച തന്നെ ചിത്രത്തിന്റെ റിസവേഷൻ ആരംഭിച്ചിരുന്നുവെങ്കിലും നിമിഷങ്ങൾക്കകം സീറ്റുകൾ ബുക്ക് ചെയ്യപ്പെടുകയായിരുന്നു

IFFK 2022: ‘നൻപകൽ നേരത്ത് മയക്കം’ ആദ്യ പ്രദർശനം ഇന്ന്

മമ്മൂട്ടിയെ കേന്ദ്രകഥാപാത്രമാക്കി ലിജോ ജോസ് പെല്ലിശ്ശേരി സംവിധാനം ചെയ്ത ‘നൻപകൽ നേരത്ത് മയക്ക’ത്തിന്റെ ആദ്യപ്രദർശനം ആരംഭിച്ചു. മൂന്നരയോടെയാണ് ചിത്രത്തിന്റെ പ്രദർശനം ആരംഭിച്ചിരിക്കുന്നത്. ഞായറാഴ്ച തന്നെ ചിത്രത്തിന്റെ റിസവേഷൻ ആരംഭിച്ചിരുന്നുവെങ്കിലും നിമിഷങ്ങൾക്കകം സീറ്റുകൾ ബുക്ക് ചെയ്യപ്പെട്ടു. ചലച്ചിത്രമേളയ്ക്ക് എത്തിയ വലിയൊരു വിഭാഗം ആദ്യപ്രദർശനം കാണാൻ കാത്തിരുന്നുവെങ്കിലും റിസർവേഷൻ കിട്ടാത്തതിനാൽ പലരും നിരാശയിലാണ്.

മമ്മൂട്ടി, അശോകൻ, തമിഴ് നടി രമ്യ പാണ്ഡ്യന്‍, രാജേഷ് ശർമ്മ തുടങ്ങിയവരാണ് ചിത്രത്തിലെ പ്രധാന അഭിനേതാക്കൾ. എസ് ഹരീഷാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ലിജോയും മമ്മൂട്ടിയും ആദ്യമായി ഒന്നിക്കുന്ന ചിത്രത്തിന്‍റെ നിര്‍മ്മാതാവും മമ്മൂട്ടിയാണ്. മമ്മൂട്ടി കമ്പനിയുടെ ബാനറിലാണ് ചിത്രം നിർമ്മിച്ചിരിക്കുന്നത്.

ഛായാഗ്രഹണം തേനി ഈശ്വര്‍, എഡിറ്റിംഗ് ദീപു ജോസഫ്, ചീഫ് അസോസിയേറ്റ് ഡയറക്ടര്‍ ടിനു പാപ്പച്ചന്‍, ലൈന്‍ പ്രൊഡ്യൂസര്‍മാര്‍ ആന്‍സണ്‍ ആന്‍റണി, സുനില്‍ സിംഗ്, കലാസംവിധാനം ഗോകുല്‍ ദാസ്, മേക്കപ്പ് റോണക്സ് സേവ്യര്‍, സൗണ്ട് ഡിസൈന്‍ രംഗനാഥ് രവി, സൗണ്ട് മിക്സ് ഫസല്‍ എ ബക്കര്‍, പ്രൊഡക്ഷന്‍ കണ്‍ട്രോളര്‍ എല്‍ ബി ശ്യാംലാല്‍, വസ്ത്രാലങ്കാരം മെല്‍വി ജെ, സ്റ്റില്‍സ് അര്‍ജുന്‍ കല്ലിങ്കല്‍, ഡിസൈന്‍ ബല്‍റാം ജെ. ചിത്രത്തിന്റെ പ്രധാന ലൊക്കേഷന്‍ പഴനിയായിരുന്നു.

Stay updated with the latest news headlines and all the latest Entertainment news download Indian Express Malayalam App.

Web Title: Mammootty nanpakal nerathu mayakkam iffk show review