scorecardresearch

മമ്മൂട്ടിയുടെ സിബിഐ5 തിയേറ്ററുകളിൽ

CBI 5 – The Brain: പെരുന്നാൾ റിലീസായാണ് ചിത്രം നാളെ തിയേറ്ററുകളിലെത്തുന്നത്

CBI 5 The brain, CBI 5 The brain release date, mammootty

CBI 5 – The Brain Release: കാത്തിരിപ്പിന് വിരാമം, മമ്മൂട്ടിയുടെ സിബിഐ 5 ദി ബ്രെയിൻ തിയേറ്ററുകളിലെത്തി. തൊഴിലാളി ദിനമായ മേയ് ഒന്ന് ഞായറാഴ്ചയാണ് ചിത്രം തിയേറ്ററുകളിലെത്തിയിരിക്കുന്നത്. സാധാരണ വ്യാഴം/വെള്ളി ദിവസങ്ങളായാണ് പുതിയ ചിത്രങ്ങൾ റിലീസ് ചെയ്യാറുള്ളത്. എന്നാൽ റിലീസ് ഡേറ്റിലും കൗതുകം സമ്മാനിച്ചുകൊണ്ടാണ് സിബിഐ5 ദി ബ്രെയിൻ എത്തുന്നത്.

34 വർഷങ്ങൾക്കു മുൻപാണ് സിബിഐ ഡയറികുറുപ്പിന്റെ ആദ്യഭാഗം ഇറങ്ങുന്നത്. ആ ചിത്രത്തിന് പിന്നെയും തുടർച്ചകളുണ്ടായി. 2022ൽ സിബിഐ സീരീസിലെ അഞ്ചാം ഭാഗം റിലീസിനൊരുങ്ങുകയാണ്. സിബിഐ 5 ദി ബ്രെയ്ന്‍ എന്നു പേരിട്ടിരിക്കുന്ന ചിത്രത്തിലെ തന്റെ ലുക്ക് ഇന്നലെയാണ് മമ്മൂട്ടി സമൂഹമാധ്യമങ്ങളിൽ പങ്കുവച്ചത്. 34 വർഷങ്ങൾക്കിപ്പുറവും സേതുരാമയ്യർക്ക് വലിയ മാറ്റങ്ങളൊന്നുമില്ലല്ലോ എന്നാണ് ചിത്രത്തിന് ആരാധകർ കമന്റ് ചെയ്യുന്നത്.

മമ്മൂട്ടിയുടെ കരിയറിലെ ഏറ്റവും ശ്രദ്ധേയമായ കഥാപാത്രങ്ങളിലൊന്നാണ് സേതുരാമയ്യർ സിബിഐ. സേതുരാമയ്യർ സിബിഐയുടെ അഞ്ചാം പതിപ്പിൽ മമ്മൂട്ടി, മുകേഷ് എന്നിവരെ കൂടാതെ സായ് കുമാർ, രഞ്ജി പണിക്കർ, സൗബിൻ ഷാഹിർ, ആശ ശരത്, ദിലീഷ് പോത്തൻ, കനിഹ, അനൂപ് മേനോന്‍, പ്രശാന്ത് അലക്സാണ്ടര്‍, ജയകൃഷ്‍ണന്‍, സുദേവ് നായര്‍, അസീസ് നെടുമങ്ങാട്, സന്തോഷ് കീഴാറ്റൂര്‍, ഇടവേള ബാബു, പ്രസാദ് കണ്ണന്‍, കോട്ടയം രമേശ്, സുരേഷ് കുമാര്‍, തന്തൂര്‍ കൃഷ്‍ണന്‍, അന്ന രേഷ്‍മ രാജന്‍, അന്‍സിബ ഹസന്‍, മാളവിക മേനോന്‍, മാളവിക നായര്‍, സ്വാസിക എന്നു തുടങ്ങി വലിയൊരു താരനിര തന്നെയുണ്ട്. എസ്.എന്‍. സ്വാമി തന്നെയാണ് അഞ്ചാം ഭാഗത്തിന്റെയും തിരക്കഥ ഒരുക്കുന്നത്. കെ. മധുവാണ് സംവിധാനം. സ്വര്‍ഗ്ഗചിത്ര അപ്പച്ചനാണ് നിര്‍മാണം.

ഒരു സിബിഐ ഡയറിക്കുറിപ്പ്, ജാഗ്രത, സേതുരാമയ്യർ സിബിഐ, നേരറിയാൻ സിബിഐ തുടങ്ങിയ ചിത്രങ്ങളെല്ലാം മുൻപ് ബോക്സ് ഓഫീസിൽ വിജയം നേടിയിരുന്നു. വിജയചിത്രങ്ങളുടെ ഫോർമുല വീണ്ടും ആവർത്തിക്കുന്നതിനൊപ്പം തന്നെ മമ്മൂട്ടിയെ കുശാഗ്രബുദ്ധിയുള്ള സിബിഐ ഓഫീസറായി വീണ്ടും സ്ക്രീനിൽ കാണാൻ സാധിക്കും എന്ന ആവേശത്തിലാണ് മമ്മൂട്ടി ആരാധകർ.

Read more: ബുർജ് ഖലീഫയിൽ സേതുരാമയ്യരുടെ മുഖം തെളിഞ്ഞപ്പോൾ; വീഡിയോ

Stay updated with the latest news headlines and all the latest Entertainment news download Indian Express Malayalam App.

Web Title: Mammootty cbi 5 the brain to hit the big screens on may 1st