കടുത്ത വൈറൽ പനി; വേടൻ തീവ്രപരിചരണ വിഭാഗത്തിൽ

ദുബായ്: പ്രശസ്ത റാപ്പർ വേടൻ കടുത്ത വൈറൽ പനിയെ തുടർന്ന് ദുബായിലെ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിൽ. വേടന്റെ ആരോഗ്യനില തൃപ്തികരമാണെന്നും ആശങ്കപ്പെടേണ്ട സാഹചര്യമില്ലെന്നും സുഹൃത്തുക്കളും സംഘാടകരും അറിയിച്ചു.

Also Read: സൊറ പറഞ്ഞ് മമ്മൂക്കയും ലാലേട്ടനും ചായക്കടയിൽ, കേൾവിക്കാർ ആരൊക്കെ എന്നുനോക്കൂ; വൈറലായി ചിത്രം

നിലവിൽ ദുബായിലെ ഒരു സ്വകാര്യ ആശുപത്രിയിലെ ഐസിയുവിലാണ് വേടൻ ചികിത്സയിൽ കഴിയുന്നത്. കടുത്ത പനിയാണ് ആരോഗ്യനില വഷളാകാൻ കാരണം. എന്നാൽ, രണ്ടു ദിവസത്തിനകം അദ്ദേഹത്തെ ആശുപത്രിയിൽ നിന്ന് ഡിസ്ചാർജ് ചെയ്യാനാകുമെന്നാണ് സുഹൃത്തുക്കൾ നൽകുന്ന സൂചന.

Also Read: ഒടുവിൽ ആ സ്വപ്നം യാഥാർത്ഥ്യമാവുന്നു, കൂടെ വേണം: സന്തോഷം പങ്കിട്ട്​​ അനു സിതാര

വേടന്റെ അനാരോഗ്യം മൂലം ഈ വെള്ളിയാഴ്ച ഖത്തറിൽ നടക്കേണ്ടിയിരുന്ന  സംഗീത പരിപാടി മാറ്റി വച്ചു. പരിപാടിയുടെ പുതിയ തിയ്യതി ഡിസംബർ 12 ആയിരിക്കുമെന്ന് സംഘാടകർ അറിയിച്ചു.

Also Read: ഇവനെ ഒരു 5 മിനിറ്റ് പിടിക്കാമോ? എന്റെ ഒരു ദിവസത്തെ ഏറ്റവും ഇഷ്ടമുള്ള സമയമാണത്: അഹാന കൃഷ്ണ

View this post on Instagram

A post shared by വേടൻ (@vedanwithword)

ആശുപത്രിയിൽ നിന്നുള്ള ചിത്രം വേടൻ തന്റെ ഔദ്യോഗിക ഇൻസ്റ്റഗ്രാം പേജിൽ പങ്കുവെച്ചു. പരിപാടി മാറ്റിവയ്‌ക്കേണ്ടി വന്നതിൽ വേടൻ ആരാധകരോടും സംഘാടകരോടും ക്ഷമ ചോദിച്ചു.

"നിലവിൽ എന്റെ ആരോഗ്യം വീണ്ടെടുക്കുന്നതിനാണ് ഏറ്റവും അധികം മുൻഗണന നൽകുന്നത്. പരിപാടി മാറ്റിവയ്‌ക്കേണ്ടി വന്നതിൽ ഖേദമുണ്ട്. ഉടൻ തന്നെ സ്റ്റേജിലേക്ക് തിരികെയെത്തും," - വേടൻ ഇൻസ്റ്റഗ്രാമിൽ കുറിച്ചു.

കഴിഞ്ഞ ഞായറാഴ്ച ദുബായിലെ ഖിസൈസിൽ വേടൻ ഒരു പരിപാടി അവതരിപ്പിച്ചിരുന്നു. അസുഖബാധിതനായിരുന്നിട്ടും, അവസാന മണിക്കൂറിലാണ് അദ്ദേഹം സ്റ്റേജിലെത്തിയത്. ഈ പ്രകടനത്തിന് ശേഷമാണ് പനി കടുക്കുകയും ആശുപത്രിയിൽ പ്രവേശിപ്പിക്കുകയും ചെയ്തത്.

Also Read:  മാധവന്റെ അനിയന്മാർക്ക് പേരിട്ടു; ഇരട്ടകുട്ടികളുടെ പേരു വെളിപ്പെടുത്തി വിഷ്ണു ഉണ്ണികൃഷ്ണൻ