scorecardresearch

കുട്ടിക്കാലചിത്രവുമായി നടി; ദുൽഖറിന്റെ ലുക്കുണ്ടെന്ന് ആരാധകർ

ചിത്രത്തിന് ദുൽഖറിന്റെ കുട്ടിക്കാലചിത്രവുമായി സാമ്യമുണ്ടെന്നാണ് ആരാധകരുടെ കണ്ടെത്തൽ

കുട്ടിക്കാലചിത്രവുമായി നടി; ദുൽഖറിന്റെ ലുക്കുണ്ടെന്ന് ആരാധകർ

മലയാളത്തിലെ യുവനടിമാരിൽ ശ്രദ്ധേയയാണ് അനാർക്കലി മരക്കാർ. ’ആനന്ദം’ എന്ന ചിത്രത്തിലൂടെയായിരുന്നു അനാർക്കലിയുടെ സിനിമാ അരങ്ങേറ്റം. തുടർന്ന് ‘വിമാനം’, ‘മന്ദാരം’, ‘മാർക്കോണി മത്തായി’, ‘ഉയരെ’ തുടങ്ങിയ ചിത്രങ്ങളിലും അനാർക്കലി ശ്രദ്ധേയമായ കഥാപാത്രങ്ങളെ അവതരിപ്പിച്ചു. ‘ഉയരെ’യിൽ പാർവ്വതിയുടെ സുഹൃത്തായുള്ള അനാർക്കലിയുടെ കഥാപാത്രവും ഏറെ ശ്രദ്ധിക്കപ്പെട്ടിരുന്നു.

Read more: ആ കണ്ണുകൾക്ക്‌ ഇന്നുമില്ലൊരു മാറ്റം; ഈ നടിയെ മനസ്സിലായോ?

ഇപ്പോഴിതാ, ശിശുദിനത്തിൽ തന്റെ കുട്ടിക്കാലത്തു നിന്നുള്ളൊരു ചിത്രം പങ്കുവച്ചിരിക്കുകയാണ് അനാർക്കലി. ദുൽഖറിന്റെ കുട്ടിക്കാലചിത്രം ഓർമ വരുന്നു എന്നാണ് ഒരു ആരാധകന്റെ കമന്റ്. ദുൽഖറിന്റെ അനിയത്തി വല്ലതും ആണോ? എന്നാണ് ആരാധകന്റെ ചോദ്യം.

അനാർക്കലിയുടെ സഹോദരി ലക്ഷ്മിയും മലയാളികൾക്ക് പരിചിതമായ മുഖമാണ്. ‘നമ്പർ വൺ സ്നേഹതീരം ബാംഗ്ലൂർ നോർത്ത്’ എന്ന ചിത്രത്തിൽ ബാലതാരമായി അഭിനയിച്ചത് ലക്ഷ്മി ആയിരുന്നു. ഇരുവരുടെയും കുട്ടിക്കാലചിത്രങ്ങളാണ് ഇപ്പോൾ ശ്രദ്ധ നേടുന്നത്.

No. 1 Snehatheeram Bangalore North child artist, Mammootty, Lakshmi Marakkar, Anarkkali Marakkar
അനാർക്കലിയും ലക്ഷ്മിയും

മാന്ത്രികക്കുതിര, മന്ത്രിക്കൊച്ചമ്മ, നാലാം കെട്ടിലെ നല്ല തമ്പിമാർ, തൂവൽക്കൊട്ടാരം എന്നീ ചിത്രങ്ങളിലും ലക്ഷ്മി ബാലതാരമായി അഭിനയിച്ചിട്ടുണ്ട്. അടുത്തിടെ ഹെലൻ, വൈറസ് എന്നീ ചിത്രങ്ങളിലും ലക്ഷ്മി അഭിനയിച്ചിരുന്നു. ആഷിഖ് അബു ചിത്രം വൈറസിൽ അസിസ്റ്റന്റ് ഡയറക്ടറായും ലക്ഷ്മി പ്രവർത്തിച്ചിരുന്നു.

ഇരുവരുടെയും അമ്മ ലാലിയും ഇപ്പോൾ അഭിനയത്തിൽ സജീവമാണ്. കുമ്പളങ്ങി നൈറ്റ്സ്, വരനെ ആവശ്യമുണ്ട്, ഹെലൻ എന്നീ ചിത്രങ്ങളിലും ലാലി അഭിനയിച്ചിട്ടുണ്ട്.

Read more: നമ്പർ വൺ സ്നേഹതീരത്തിലെ കുസൃതി കുട്ടികൾ ഇവിടെയുണ്ട്

Stay updated with the latest news headlines and all the latest Entertainment news download Indian Express Malayalam App.

Web Title: Malayalam actress heroine childhood photo throwback lookalike dulquer salmaan

Best of Express