മലയാള സിനിമയിലൂടെയാണ് തുടക്കമെങ്കിലും തമിഴ് അടക്കമുളള അന്യഭാഷാ ചിത്രങ്ങളിൽ തിളങ്ങുന്ന നടിയാണ് മാളവിക മോഹനൻ. ദുൽഖറിനൊപ്പമുള്ള ‘പട്ടം പോലെ’ എന്ന ചിത്രത്തിലൂടെയാണ് മാളവിക സിനിമോലോകത്തെത്തുന്നത്. പിന്നീട് ‘നിർണായകം’, ‘ദി ഗ്രേറ്റ് ഫാദർ’, ‘പേട്ട’, ‘മാസ്റ്റർ’, ‘മാരൻ’ തുടങ്ങിയ ചിത്രങ്ങളിലും മാളവിക അഭിനയിച്ചു. മാത്യൂ തോമസിനൊപ്പമുള്ള ‘ക്രിസ്റ്റി’യാണ് താരത്തിന്റെ പുതിയ ചിത്രം.
സോഷ്യൽ മീഡിയയിൽ സജീവമായ മാളവിക ഫൊട്ടൊഷൂട്ട് ചിത്രങ്ങളും മറ്റും പങ്കുവയ്ക്കാറുണ്ട്. ഗ്ലാമറസ് ചിത്രങ്ങളും താരം ഷെയർ ചെയ്യാറുണ്ട്. അത്തരത്തിലൊന്നാണ് ഇപ്പോൾ ശ്രദ്ധ നേടുന്നത്. സ്വിമിങ്ങ് സ്യൂട്ട് അണിഞ്ഞ് പൂളിൽ നീന്തുകയാണ് മാളവിക. മത്സ്യകന്യകയെ പോലെയുണ്ടെന്നാണ് കമന്റ് ബോക്സിൽ ആരാധകർ പറയുന്നത്.
‘ക്രിസ്റ്റി’യുടെ പ്രമോഷന്റെ ഭാഗമായി മാളവിക അനവധി ചിത്രങ്ങൾ സോഷ്യൽ മീഡിയയിലൂടെ പങ്കുവച്ചിരുന്നു. സാരി അണിഞ്ഞുള്ള ചിത്രങ്ങളാണ് അധികവും ഷെയർ ചെയ്തത്.
ആൽവിൻ ഹെൻറിയുടെ സംവിധാനത്തിൽ ഒരുങ്ങിയ ചിത്രമാണ് ‘ക്രിസ്റ്റി’. ജി ആർ ഇന്ദുഗോപൻ, ബെന്യാമിൻ എന്നിവരുടെ തിരക്കഥയിൽ ഒരുങ്ങിയ ചിത്രം നിർമിച്ചത് സജയ് സെബാസ്റ്റ്യൻ, കണ്ണൻ സതീശൻ എന്നിവരാണ്. ഫെബ്രുവരി 17ന് റിലീസിനെത്തിയ ചിത്രം ഉടൻ സോണി ലിവിൽ സ്ട്രീം ചെയ്യാൻ ആരംഭിക്കും.
