scorecardresearch
Entertainment

'അവർ പ്രണയത്തിലാണ്', രൺബീർ-ആലിയ പ്രണയം സ്ഥിരീകരിച്ച് മഹേഷ് ഭട്ട്

ആലിയയുമായുളള പ്രണയത്തെക്കുറിച്ച് രൺബീർ മനസ്സ് തുറന്നിരുന്നുവെങ്കിലും ആലിയ ഇതുവരെ ഇതിനെക്കുറിച്ച് ഒന്നും സംസാരിച്ചിരുന്നില്ല

Written byEntertainment Desk

ആലിയയുമായുളള പ്രണയത്തെക്കുറിച്ച് രൺബീർ മനസ്സ് തുറന്നിരുന്നുവെങ്കിലും ആലിയ ഇതുവരെ ഇതിനെക്കുറിച്ച് ഒന്നും സംസാരിച്ചിരുന്നില്ല

author-image
Entertainment Desk
New Update
ranbir kapoor, alia bhatt, ie malayalam, രൺബീർ കപൂർ, ആലിയ ഭട്ട്, ഐഇ മലയാളം

ബി ടൗണിലെ പുതിയ പ്രണയജോഡികളാണ് രൺബീർ കപൂറും ആലിയ ഭട്ടും. പാപ്പരാസികൾ ഇരുവരും പ്രണയത്തിലാണെന്ന് പറയുമ്പോഴും ഇക്കാര്യത്തിൽ ഔദ്യോഗിക സ്ഥിരീകരണം ഉണ്ടായിരുന്നില്ല. ആലിയയുമായുളള പ്രണയത്തെക്കുറിച്ച് രൺബീർ മനസ്സ് തുറന്നിരുന്നുവെങ്കിലും ആലിയ ഇതുവരെ ഇതിനെക്കുറിച്ച് ഒന്നും സംസാരിച്ചിരുന്നില്ല.

Advertisment

ആലിയയുടെ പിതാവ് മഹേഷ് ഭട്ട് ഇപ്പോൾ ഇതിനൊരു മറുപടി നൽകിയിരിക്കുന്നു. ദി ടെലഗ്രാഫിന് നൽകിയ അഭിമുഖത്തിലാണ് മകളും രൺബീറും തമ്മിലുളള പ്രണയത്തെക്കുറിച്ച് മഹേഷ് ഭട്ട് വ്യക്തമാക്കിയത്. ''അതെ, അവർ പ്രണയത്തിലാണ്. അത് മനസ്സിലാക്കാൻ ഒരു ജീനിയസ് ആവേണ്ട കാര്യമില്ല. എനിക്ക് രൺബീറിനെ ഇഷ്ടമാണ്. അയാൾ നല്ലൊരു വ്യക്തിയാണ്,'' മഹേഷ് ഭട്ട് പറഞ്ഞു.

രൺബീർ-ആലിയ വിവാഹ അഭ്യൂഹങ്ങളെക്കുറിച്ചും മഹഷ് ഭട്ട് പ്രതികരിച്ചു. ''വിവാഹത്തെക്കുറിച്ച് തീരുമാനിക്കേണ്ടത് അവരാണ്. അത് എപ്പോൾ നടക്കുമെന്ന് എനിക്ക് പറയാൻ ആകില്ല. നമുക്ക് കാത്തിരിക്കാം.''

Advertisment

സോനം കപൂറിന്റെ വിവാഹ പാർട്ടിക്ക് രൺബീറും ആലിയയും ഒരുമിച്ച് എത്തിയതോടെയാണ് ഇരുവരും പ്രണയത്തിലാണെന്ന തരത്തിലുളള വാർത്തകൾ പുറത്തുവന്നത്. രൺബീറും ആലിയയും ആദ്യമായി ഒരുമിക്കുന്ന ചിത്രമാണ് ബ്രഹ്മാസ്ത്ര. ഈ ചിത്രത്തിന്റെ ഷൂട്ടിങ്ങിനിടയിലാണ് ഇരുവരും തമ്മിൽ പ്രണയത്തിലായതെന്നാണ് നിഗമനം. 2019 ലാണ് ഏവരും കാത്തിരിക്കുന്ന ഈ ചിത്രം റിലീസിനെത്തുന്നത്.

Ranbir Kapoor Alia Bhatt

Stay updated with the latest news headlines and all the latest Lifestyle news. Download Indian Express Malayalam App - Android or iOS.

Follow us: