scorecardresearch

Latest News
ടീസ്റ്റ സെതല്‍വാദിനെയും ആര്‍ ബി ശ്രീകുമാറിനെയും അറസറ്റ് ചെയ്ത് ഗുജറാത്ത് പൊലീസ്

‘നാഗകന്യക’യ്ക്ക് ഒപ്പം ചുവടുവെച്ച് മാധുരി ദീക്ഷിത്; വൈറൽ വീഡിയോ

ഡാൻസ് ദീവാനേ 3യുടെ വേദിയിൽ അതിഥിയായി എത്തിയതായിരുന്നു ‘നാഗകന്യക’ താരം മൗനി റോയ്

madhuri dixit, mouni roy, മാധുരി ദീക്ഷിത്, മൗനി റോയ്, നാഗകന്യക, dance deewane, madhuri dixit instagram, madhuri mouni dance, maye ni maye, ghar more pardesiya

‘നാഗീൻ’ എന്ന ഹിന്ദി സീരിയലിലൂടെ ശ്രദ്ധ നേടിയ അഭിനേത്രിയാണ് മൗനി റോയ്. ‘നാഗകന്യക’ എന്ന പേരിൽ സീരിയൽ മലയാളത്തിലും മൊഴിമാറ്റി സംപ്രേക്ഷണം ചെയ്തിരുന്നു. അതിനാൽ മലയാളികൾക്കും ഏറെ സുപരിചിതയാണ് മൗനി റായ്.

ഇപ്പോഴിതാ, ബോളിവുഡ് താരം മാധുരി ദീക്ഷിതിനൊപ്പം ചുവടുവെയ്ക്കുന്ന മൗനി റോയുടെ വീഡിയോ ആണ് ശ്രദ്ധ നേടുന്നത്. ഡാൻസ് ദീവാനേ 3യുടെ വേദിയിൽ അതിഥിയായി എത്തിയതായിരുന്നു മൗനി റോയ്. മൗനിയ്ക്ക് ഒപ്പമുള്ള ഡാൻസ് വീഡിയോ മാധുരി ദീക്ഷിത് ആണ് ഇൻസ്റ്റഗ്രാമിൽ പങ്കുവച്ചിരിക്കുന്നത്.

ഏക്താ കപൂറിന്റെ ‘ക്യൂംകി സാസ് ഭി കഭി ബഹു തി’ എന്ന സീരിയലിലൂടെയാണ് മൗനി അഭിനയരംഗത്ത് എത്തുന്നത്. പിന്നീട് കസ്തൂരി, ദോ സഹേലിയാൻ, ദേവോം കാ ദേവ് മഹാദേവ്, ജുനൂൻ തുടങ്ങിയ സീരിയലുകളിലും വേഷമിട്ടു. എന്നാൽ നാഗീൻ എന്ന സീരിയലിലെ നാഗകന്യക വേഷമാണ് മൗനിയെ താരമാക്കിയത്.

അക്ഷയ് കുമാർ നായകനായ ‘ഗോൾഡ്’ എന്ന ചിത്രത്തിലൂടെ ബോളിവുഡിലും മൗനി അരങ്ങേറ്റം കുറിച്ചിരുന്നു. കെജിഎഫിന്റെ ഹിന്ദി റീമേക്കിൽ ‘ഗലി ഗലി’ എന്ന ഐറ്റം ഗാനത്തിലും മൗനി അഭിനയിച്ചിരുന്നു. റോമിയോ അക്ബർ വാൾട്ടർ, മെയ്ഡ് ഇൻ ചൈന എന്നിവയാണ് മൗനിയുടെ മറ്റ് ചിത്രങ്ങൾ. രൺബീർ കപൂർ, ആലിയ ഭട്ട്, അമിതാഭ് ബച്ചൻ, ഡിംപിൾ കപാഡിയ എന്നിവർ പ്രധാന വേഷത്തിൽ എത്തുന്ന ‘ബ്രഹ്മാസ്ത്ര’ എന്ന ചിത്രത്തിലും മൗനി അഭിനയിച്ചിട്ടുണ്ട്.

Read more: മാധുരിയുടെ 15 ലക്ഷത്തിന്റെ ചോളി, ഐശ്വര്യയുടെ 600 സാരികൾ; ‘ദേവദാസി’ന്റെ അണിയറക്കഥകൾ

Stay updated with the latest news headlines and all the latest Entertainment news download Indian Express Malayalam App.

Web Title: Madhuri dixit mouni roy deewane dance video