New OTT Release: ഈ ആഴ്ചയിലെ പ്രധാന ഒടിടി റിലീസുകൾ

They Call Him OG OTT: ദേ കോൾ ഹിം ഒ.ജി

പവൻ കല്യാൺ നായകനായ 'ദേ കോൾ ഹിം ഒ.ജി' നെറ്റ്ഫ്ലിക്സിൽ ഇന്ന് സ്ട്രീമിംഗ് ആരംഭിച്ചു. സുജീത്ത് സംവിധാനം ചെയ്യുന്ന ഈ ചിത്രം, വർഷങ്ങളുടെ പ്രവാസത്തിന് ശേഷം അധോലോകത്തേക്ക് തിരിച്ചെത്തുന്ന 'ഒ.ജി'യുടെ കഥയാണ് പറയുന്നത്.

കൗശിക് പേഗല്ലപതി സംവിധാനം ചെയ്ത് ബെല്ലംകൊണ്ട സായി ശ്രീനിവാസ്, അനുപമ പരമേശ്വരൻ, മകരന്ദ് ദേശ്പാണ്ഡെ, തനിക്കെല്ല ഭരണി എന്നിവർ പ്രധാന വേഷങ്ങളിൽ എത്തുന്ന ഹൊറർ-ത്രില്ലർ ചിത്രം കിഷ്കിന്ധാപുരി ഇന്ന് അർദ്ധരാത്രിയോടെ  ഒടിടിയിൽ എത്തും. സീ5 ആണ് ചിത്രത്തിന്റെ സ്ട്രീമിംഗ് പാർട്ണർ.

Sea of Love - Kadalolam Sneham OTT: സീ ഓഫ് ലവ്- കടലോളം സ്നേഹം

ബിഗ് ബോസ് മലയാളത്തിലൂടെ ശ്രദ്ധനേടിയ ദിൽഷ പ്രസന്നൻ പ്രധാന വേഷത്തിലെത്തിയ‘സീ ഓഫ് ലവ്- കടലോളം സ്നേഹം’ ഇന്ന് അർദ്ധരാത്രിയോടെ ഒടിടിയിൽ സ്ട്രീമിംഗ് ആരംഭിക്കും. ലെസ്ബിയൻ പ്രണയകഥ പറയുന്ന ഈ ചിത്രത്തിൻ്റെ രചനയും സംവിധാനവും നിർവഹിച്ചിരിക്കുന്നത് സായി കൃഷ്ണയാണ്.  ചിത്രം മനോരമ മാക്സിൽ കാണാം.

Nadikar OTT: നടികർ

ടൊവിനോ തോമസ്, സൗബിൻ ഷാഹിർ , ഭാവന എന്നിവർ പ്രധാന കഥാപാത്രങ്ങളായ നടികർ ഇന്ന് അർദ്ധരാത്രിയോടെ ലയൺസ്ഗേറ്റ് പ്ലേയിൽ സ്ട്രീമിംഗ് ആരംഭിക്കും.

Shakthi Thirumagan OTT: ശക്തി തിരുമകൻ

വിജയ് ആന്റണി നായകനായ 'ശക്തി തിരുമകൻ' ഇന്ന് അർദ്ധരാത്രിയോടെ ഒടിടിയിലെത്തും. ജിയോഹോട്ട്സ്റ്റാറിൽ ചിത്രം കാണാം.

Lokah: Chapter 1 – Chandra OTT: ലോക: ചാപ്റ്റർ 1 – ചന്ദ്ര

കല്യാണി പ്രിയദർശൻ, നസ്സെൽ എന്നിവർ പ്രധാന വേഷങ്ങളിൽ എത്തിയ ലോകയുടെ ഒടിടി റിലീസിനായി പ്രേക്ഷകർ ആകാംക്ഷയോടെ കാത്തിരിക്കുകയാണ്. ചിത്രം നിർമ്മിച്ചിരിക്കുന്നത് ദുൽഖർ സൽമാനാണ്. ജിയോഹോട്ട്സ്റ്റാറിൽ ഒക്ടോബർ 31ന് ചിത്രം സ്ട്രീമിംഗ് ആരംഭിക്കും.