ലിസ്റ്റിൻ സ്റ്റീഫൻ പറഞ്ഞ ആ നടൻ നിവിൻ പോളിയോ?

Listin Stephen-  Nivin Pauly Baby Girl Controversy: മലയാള സിനിമയിലെ  ഒരു പ്രമുഖ നടന്‍ വലിയൊരു തെറ്റിന് തിരി കൊളുത്തിയിട്ടുണ്ട് എന്ന ലിസ്റ്റിൻ സ്റ്റീഫന്റെ പ്രസ്താവന വലിയ ചർച്ചകൾക്കാണ് മലയാള സിനിമയിൽ തിരികൊളുത്തിയത്.  നടൻ ഇനിയും ആ തെറ്റ് തുടർന്നാൽ വലിയ പ്രശ്നങ്ങൾക്കു കാരണമാകുമെന്നുമാണ് പ്രമുഖ നടൻ ആരെന്നു വെളിപ്പെടുത്താതെ ലിസ്റ്റിൻ പറഞ്ഞത്.

ലിസ്റ്റിൻ പറഞ്ഞ ആ പ്രമുഖ നടൻ ആരാണെന്നാണ് ഇപ്പോൾ സോഷ്യൽ മീഡിയ തിരക്കുന്നത്. അതേസമയം, നിവിൻ പോളിയെ കുറിച്ചാണ് ലിസ്റ്റിന്റെ പരാമർശം എന്നാണ് സോഷ്യൽ മീഡിയയുടെ കണ്ടെത്തൽ. ലിസ്റ്റിൻ സ്റ്റീഫൻ നിർമിക്കുന്ന നിവിൻ പോളി നായകനായ ‘ബേബി ​ഗേൾ’ എന്ന ചിത്രത്തിന്റെ ഷൂട്ടിങ്ങുമായി ബന്ധപ്പെട്ട തർക്കങ്ങളാണ് ലിസ്റ്റിന്റെ പരാമർശത്തിനു പിന്നിലെ കാരണമെന്നാണ് റിപ്പോർട്ട്.

‘ബേബി ഗേൾ’ സിനിമയുടെ ചിത്രീകരണത്തിനിടെ സെറ്റിൽ  ചില പ്രശ്നങ്ങൾ ഉണ്ടാകുകയും നിവിൻ പോളി ഇറങ്ങിപ്പോവുകയും ചെയ്തെന്ന് റിപ്പോർട്ടുകളുണ്ട്. പിന്നീട് നിവിൻ ഷൂട്ടിങ്ങിന് എത്തിയില്ലെന്നും വാർത്തകളുണ്ട്.

മാത്രമല്ല, ബേബി ഗേൾ ഷൂട്ടിൽ നിന്നും  ഇടവേളയെടുത്ത് നിവിന്‍ മറ്റൊരു ചിത്രത്തില്‍ അഭിനയിക്കാന്‍ പോയതാണ് ലിസ്റ്റിന്‍ സ്റ്റീഫനെ പ്രകോപിപ്പിച്ചത് എന്നാണ് സിനിമാവൃത്തങ്ങളിൽ നിന്നുള്ള റിപ്പോർട്ട്. 

തുറമുഖം, ബോസ് ആൻഡ് കോ, മലയാളി ഫ്രം ഇന്ത്യ എന്നീ ചിത്രങ്ങൾക്കു ശേഷം നിവിൻ പോളിയും ലിസ്റ്റിനും ഒന്നിക്കുന്ന ചിത്രമാണ് ബേബി ഗേൾ. 

‘‘മലയാളസിനിമയിൽ വന്നിട്ട് 10-15  വര്‍ഷമായി. കുറെയധികം സിനിമകളും ചെയ്തിട്ടുണ്ട്. പക്ഷേ മലയാള സിനിമയിലെ പ്രമുഖനടൻ വലിയ തെറ്റിലേക്ക് ഇന്നു തിരി കൊളുത്തിയിട്ടുണ്ട്. വലിയൊരു മാലപ്പടക്കത്തിനാണ് തിരി കൊളുത്തിയത്. അത് വേണ്ടായിരുന്നു. ഞാന്‍ പറയുമ്പോള്‍ ആ നടന്‍ ഇത് കാണും. പക്ഷേ ആ നടന്‍ ചെയ്തത് വലിയ തെറ്റാണ് എന്ന് ഓര്‍മിപ്പിക്കുകയാണ്. ഇനിയും ആ തെറ്റ് തുടരരുത്, ആവര്‍ത്തിക്കരുത്. കാരണം, അങ്ങനെ തുടര്‍ന്നു കഴിഞ്ഞാല്‍ അത് വലിയ പ്രശ്നങ്ങള്‍ക്കും കാരണമാകും," ദിലീപിന്റെ പുതിയ ചിത്രം 'പ്രിൻസ് ആൻഡ് ഫാമിലി'യുടെ ഔദ്യോഗിക ലോഞ്ചിനിടെ വെള്ളിയാഴ്ച ലിസ്റ്റിൻ നടത്തിയ പ്രസ്താവനയാണ് നിലവിലെ ചർച്ചകൾക്ക് വഴിയൊരുക്കിയത്.

Read More

• Bromance OTT: പറഞ്ഞതിലും ഒരു ദിവസം മുൻപെയെത്തി; ബ്രോമാൻസ് ഇപ്പോൾ ഒടിടിയിൽ കാണാം
• അന്ന് ദുൽഖറിന്റെ കട്ട ഫാൻ; ഇന്ന് ഡിക്യു പടത്തിൽ അസിസ്റ്റന്റ്
• ആറാം തമ്പുരാനിൽ നിങ്ങൾ കണ്ടത് എന്നെ തന്നെ; ഒടുവിൽ ആ രഹസ്യം വെളിപ്പെടുത്തി ഉർവശി
• ഞാൻ അഭിനയിക്കുന്നത് എന്റെ മക്കൾക്ക് നാണക്കേടാ എന്നു പറഞ്ഞവർ ഇതു കാണൂ: രേണു സുധി
• ഏപ്രിലിൽ ഒടിടിയിൽ എത്തിയ 21 മലയാള ചിത്രങ്ങൾ
• കിമോണോ സുന്ദരികൾ ജപ്പാനിൽ; ചിത്രങ്ങളുമായി അഹാന കൃഷ്ണ
• സാമൂഹ്യ മാധ്യമങ്ങളിലൂടെ അശ്ലീല പരാമർശം; നടിമാരുടെ പരാതിയിൽ 'ആറാട്ടണ്ണൻ' കസ്റ്റഡിയിൽ
• മറവി‍ക്കെതിരെ ഓര്‍മയുടെ പോരാട്ടം, വൈകാരികമായ യാത്രയായിരുന്നു നരിവേട്ട: ടൊവിനോ തോമസ്
• അടുത്ത ബ്ലോക്ക്ബസ്റ്റർ? വീണ്ടും ഹിറ്റടിക്കാൻ ആസിഫ് അലി; 'സർക്കീട്ട്' ട്രെയിലർ
• തീപ്പൊരി സ്റ്റെപ്പുമായി ചാക്കോച്ചന്റെ ഇസഹാഖ്; മത്തൻ കുത്തിയാൽ കുമ്പളം മുളക്കില്ലെന്ന് ആരാധകർ
• അടുത്ത ജന്മത്തിൽ പ്രഭാസിനെ പോലെ ഒരു മകനെ വേണം: സറീന വഹാബ്
• ആ ചുംബന ഫോട്ടോ വിവാദം ഞങ്ങളെ തെല്ലും ഉലച്ചില്ല: മഹേഷ് ഭട്ടിന്റെ മകൻ പറയുന്നു