ഈ.മ.യൗവിനു ശേഷം ലിജോ ജോസ് പെല്ലിശ്ശേരി സംവിധാനം നിര്‍വ്വഹിക്കുന്ന ചിത്രം ‘ജല്ലിക്കെട്ടിന്റെ’ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. ലിജോ ഫെയ്സ്ബുക്കിലൂടെയാണ് പോസ്റ്റര്‍ പുറത്തു വിട്ടത്.

വിനായകനാണ് ചിത്രത്തില്‍ നായകനാവുക. വിനായകനൊപ്പം അങ്കമാലി ഡയറീസ് നായകൻ ആന്‍റണി വര്‍ഗ്ഗീസും സിനിമയിലുണ്ട്. ഓരോ സിനിമയിലും വ‍്യത‍്യസ്തത പരീക്ഷിക്കുന്ന ലിജോ ജോസ് പെല്ലിശ്ശേരി ഈ ചിത്രത്തിലും പതിവ് തെറ്റിക്കുന്നില്ലെന്നാണ് റിപ്പോർട്ടുകൾ. ഏറെ സാഹസികമായാണ് ഹൈറേഞ്ചില്‍ സിനിമ ചിത്രീകരിക്കുന്നത്. എസ്.ഹരീഷിന്റെ ‘മാവോയിസ്റ്റ്’ എന്ന കഥയെ അടിസ്ഥാനമാക്കിയാണ് ചിത്രം ഒരുങ്ങുന്നത്.

ഈ.മ.യൗവിന്‍റെ വന്‍ വിജയത്തിനു ശേഷമാണ് പുതിയ സിനിമയുമായി ലിജോ ജോസ് പെല്ലിശ്ശേരി-വിനായകന്‍ ടീം എത്തുന്നത്. വലിയ ബജറ്റിലാണ് സിനിമ ഒരുക്കുന്നത്. നിവിന്‍ പോളി സിനിമയില്‍ നായകനാകും എന്നായിരുന്നു ആദ്യം വാര്‍ത്ത. എന്നാല്‍, കഥാപാത്രത്തിന് വിനായകനാകും കൂടുതല്‍ യോജിക്കുക എന്ന തീരുമാനത്തിലേയ്ക്ക് അണിയറ പ്രവര്‍ത്തകര്‍ എത്തുകയായിരുന്നു

Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook