ആരാധകർ കാത്തിരുന്ന ടോളിവുഡ് താരജോഡികളായ നാഗ ചൈതന്യ-സാമന്തയുടെ വിവാഹമാണിന്ന്. ഗോവയിലെ കടൽത്തീരത്തുളള ഡബ്ല്യു റിസോർട്ടിൽ ക്ഷണിക്കപ്പെട്ട അതിഥികൾക്ക് മാത്രമാണ് വിവാഹവേദിയിലേക്ക് പ്രവേശനം. വിവാഹ വേദിയുടെ ചിത്രങ്ങളും വിഡിയോയുമാണ് ഇപ്പോൾ പുറത്തായിരിക്കുന്നത്. കടൽത്തീരത്തിനു സമീപത്തായി ലൈറ്റുകളാൽ അലങ്കരിച്ചതാണ് വിവാഹവേദി.

ഹിന്ദു-ക്രൈസ്തവ ആചാരങ്ങള്‍ പ്രകാരം നടക്കുന്ന വിവാഹച്ചടങ്ങില്‍ കുടുംബാംഗങ്ങളും അടുത്ത സുഹൃത്തുക്കളും അടങ്ങുന്ന നൂറ് പ്രേര്‍ക്ക് മാത്രമാണ് ക്ഷണമുള്ളത്. ഇന്ന് ഹിന്ദു ആചാരപ്രകാരമായിരിക്കും വിവാഹം. നാളെയാണ് ക്രിസ്ത്യൻ രീതിയിൽ വിവാഹം. ഒക്ടോബര്‍ ആറുമുതൽ ഒമ്പതു വരെ നീണ്ടുനിൽക്കുന്ന ആഘോഷ രാവുകളോടെയാണ് വിവാഹം സമാപിക്കുക.

Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook