Latest News
കോവിഡ്: പ്രതിദിന കേസുകളിൽ മുന്നിൽ കേരളം
ലോക്ക്ഡൗൺ ഇളവുകൾ ആൾക്കൂട്ടങ്ങൾക്ക് ഇടയാകരുത്, കേന്ദ്രത്തിന്റെ മുന്നറിയിപ്പ്
പ്രവാസികള്‍ക്കു പുതുക്കിയ വാക്സിനേഷന്‍ സര്‍ട്ടിഫിക്കറ്റ് നാളെ മുതല്‍; ബാച്ച് നമ്പറും തിയതിയും ചേര്‍ക്കും
ന്യൂസിലൻഡിന് ടോസ്; ഇന്ത്യയെ ബാറ്റിങിനയച്ചു
ഇന്ത്യയുടെ മിൽഖ, മിൽഖയുടെ ഇന്ത്യ
സുധാകരന്റെ കത്തി പരാമര്‍ശം വേദനിപ്പിക്കുന്നത്, മാപ്പ് പറയണം: ഫ്രാന്‍സിസിന്റെ മകന്‍

ഇതാണ് എനിക്കു ലഭിച്ച ഏറ്റവും മികച്ച ജന്മദിന സമ്മാനം: കുഞ്ചോക്കോ ബോബൻ

സംവിധായകരായ സൗബിൻ ഷാഹിറും ജോൺ പോളും ചേർന്ന് സമ്മാനിച്ച പിറന്നാൾ സമ്മാനത്തെ നെഞ്ചിലേറ്റുകയാണ് താരം

പിറന്നാൾ ദിനത്തിൽ,അടുത്ത വർഷത്തിലേക്കായി താൻ കമ്മിറ്റ് ചെയ്ത ചിത്രങ്ങളുടെ വിശേഷങ്ങൾ ആരാധകരുമായി പങ്കുവെയ്ക്കുകയാണ് താരം.

“2019 എനിക്കേറെ എക്സൈറ്റ്മെന്റ് നൽകുന്ന രണ്ടു പുതിയ ചിത്രങ്ങൾ ഞാൻ അനൗൺസ് ചെയ്യുകയാണ്. എന്റെ പ്രിയ സുഹൃത്തുക്കളും പ്രതിഭകളും സംവിധായകരുമായ
സൗബിൻ ഷാഹിർ പറവയ്ക്കു ശേഷം സംവിധാനം ചെയ്യുന്ന പുതിയ ചിത്രത്തിലും ജോൺ പോൾ ഗപ്പിയ്ക്ക് ശേഷം സംവിധാനം ചെയ്യുന്ന ചിത്രത്തിലും ഞാനെത്തുന്നു. എനിക്കു ലഭിച്ച ഏറ്റവും മികച്ച ജന്മദിന സമ്മാനം,” എന്ന കുറിപ്പോടെയാണ് പുതിയ ചിത്രങ്ങളുടെ അനൗൺസ്മെന്റ് താരം നടത്തിയിരിക്കുന്നത്.

‘പറവ’യ്ക്ക് ശേഷം നടനും സംവിധായകനുമായ സൗബിൻ സാഹിർ സംവിധാനം ചെയ്യുന്ന രണ്ടാമത്തെ ചിത്രമാണ് ഇത്. ഷാഹിർ, മുനീർ അലി എന്നിവരുടെ തിരക്കഥയിലൊരുക്കിയ ‘പറവ’യിൽ അഹ്മദ് ഷാ, ഗോവിന്ദ് വി. പൈ, ഷെയ്ൻ നിഗം ​​എന്നിവരെ കൂടാതെ ദുൽഖർ സൽമാനും അതിഥി വേഷത്തിലെത്തിയിരുന്നു. ബാംഗ്ലൂർ ഡെയ്സ്, പ്രേമം എന്നീ സൂപ്പർ ഹിറ്റുകൾക്ക് ശേഷം അൻവർ റഷീദ് നിർമ്മിച്ച ചിത്രമായിരുന്നു പറവ. ഇച്ചാപ്പിയുടെയും ഹസീബിന്റെയും സൗഹൃദത്തിന്റെയും പ്രാവ് പറത്തൽ മത്സരത്തിന്റെയും മട്ടാഞ്ചേരിയിലെ പച്ചയായ കുറേ മനുഷ്യരുടെയും കഥ പറഞ്ഞ ചിത്രം ഏറെ ശ്രദ്ധ നേടിയിരുന്നു.

Read more: അന്നുമിന്നും സ്നേഹത്തോടെ: ചാക്കോച്ചന് പിറന്നാളാശംസകള്‍ നേര്‍ന്ന് മഞ്ജു

ജോൺപോൾ ജോർജിന്റെയും രണ്ടാമത്തെ ചിത്രമാണ് ഇപ്പോൾ അനൗൺസ് ചെയ്യപ്പെട്ടിരിക്കുന്നത്. ആദ്യചിത്രം ടൊവിനോയും ചേതൻ ജയലാലും പ്രധാന വേഷത്തിലെത്തിയ ‘ഗപ്പി’യായിരുന്നു. ഇവർക്കൊപ്പം ശ്രീനിവാസൻ, രോഹിണി, സുധീർ കരമന, ദിലീഷ് പോത്തൻ, അലെൻസിയർ എന്നിവരും ചിത്രത്തിൽ ശ്രദ്ധേയമായ കഥാപാത്രങ്ങളെ അവതരിപ്പിച്ചിരുന്നു.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Kunchacko boban soubin shahir john paul new films

Next Story
ധനുഷിന്റെ ‘മാരി 2’ ഫസ്റ്റ് ലുക്ക്‌Dhanush Maari 2 Tovino Thomas First Look
The moderation of comments is automated and not cleared manually by malayalam.indianexpress.com