Kumaranasan Biopic movie: മഹാകവി കുമാരനാശാന്റെ ജീവിതത്തെ ആസ്പദമാക്കി സംവിധായകൻ കെ പി കുമാരൻ ഒരുക്കുന്ന ചിത്രം ‘കവി’യുടെ ചിത്രീകരണം ആരംഭിച്ചു. പെരുമ്പളം ദ്വീപിലാണ് ചിത്രീകരണം നടക്കുന്നത്. പ്രശസ്ത സാഹിത്യകാരൻ എൻഎസ് മാധവനാണ് ചിത്രത്തിന്റെ സ്വിച്ച് ഓൺ കർമ്മം നിർവ്വഹിച്ചത്.

ചിത്രത്തിൽ കുമാരനാശാനായി എത്തുന്നത് പ്രശസ്ത സംഗീതഞ്ജനായ ശ്രീവത്സൻ ജെ മേനോൻ ആണ്. കർണാടക സംഗീതജ്ഞനും ‘സ്വപാനം’, ‘ഒറ്റാൽ’ തുടങ്ങി നിരവധി ചിത്രങ്ങളുടെ സംഗീതസംവിധായകനുമായ ശ്രീവത്സൻ മേനോൻ ഇതാദ്യമായാണ് ഒരു ചിത്രത്തിൽ അഭിനയിക്കുന്നത്. ‘കുമാരനാശാൻ, ദ ഫസ്റ്റ് മോഡേൺ പൊളിറ്റീഷൻ ഓഫ് കേരള’ എന്ന ടാഗ്‌ലൈനോടെയാണ് ചിത്രമൊരുങ്ങുന്നത്. മാധ്യമപ്രവർത്തകനായ പ്രമോദ് രാമനും ചിത്രത്തിൽ ഒരു കഥാപാത്രത്തെ അവതരിപ്പിക്കുന്നുണ്ട്. ചിത്രത്തിന്റെ സംഗീതം ഒരുക്കുന്നതും ശ്രീവത്സൻ ജെ മേനോൻ ആണ്. കെ ജി ജയനാണ് ചിത്രത്തിന്റെ ഛായാഗ്രാഹകൻ.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook