കുമാരനാശാനായി ശ്രീവത്സൻ ജെ മേനോൻ; കെ പി കുമാരൻ ചിത്രത്തിനു തുടക്കമായി

Kumaranasan Biopic movie: മഹാകവി കുമാരനാശാന്റെ ജീവിതത്തെ ആസ്പദമാക്കി സംവിധായകൻ കെ പി കുമാരൻ ഒരുക്കുന്ന ചിത്രം 'കവി'യുടെ ചിത്രീകരണം ആരംഭിച്ചു. പെരുമ്പളം ദ്വീപിലാണ് ചിത്രീകരണം നടക്കുന്നത്. പ്രശസ്ത സാഹിത്യകാരൻ എൻഎസ് മാധവനാണ് ചിത്രത്തിന്റെ സ്വിച്ച് ഓൺ കർമ്മം നിർവ്വഹിച്ചത്.

Did ‘switch-on’ of starting of shooting of veteran filmmaker KP Kumaran’s biopic on Kumaranasan. KPK did a casting coup of sorts in finding a new face for the great poet’s role. Can you guess who he is? pic.twitter.com/puFObhFCsE

— N.S. Madhavan این. ایس. مادھون (@NSMlive) April 19, 2019

ചിത്രത്തിൽ കുമാരനാശാനായി എത്തുന്നത് പ്രശസ്ത സംഗീതഞ്ജനായ ശ്രീവത്സൻ ജെ മേനോൻ ആണ്. കർണാടക സംഗീതജ്ഞനും 'സ്വപാനം', 'ഒറ്റാൽ' തുടങ്ങി നിരവധി ചിത്രങ്ങളുടെ സംഗീതസംവിധായകനുമായ ശ്രീവത്സൻ മേനോൻ ഇതാദ്യമായാണ് ഒരു ചിത്രത്തിൽ അഭിനയിക്കുന്നത്. 'കുമാരനാശാൻ, ദ ഫസ്റ്റ് മോഡേൺ പൊളിറ്റീഷൻ ഓഫ് കേരള' എന്ന ടാഗ്‌ലൈനോടെയാണ് ചിത്രമൊരുങ്ങുന്നത്. മാധ്യമപ്രവർത്തകനായ പ്രമോദ് രാമനും ചിത്രത്തിൽ ഒരു കഥാപാത്രത്തെ അവതരിപ്പിക്കുന്നുണ്ട്. ചിത്രത്തിന്റെ സംഗീതം ഒരുക്കുന്നതും ശ്രീവത്സൻ ജെ മേനോൻ ആണ്. കെ ജി ജയനാണ് ചിത്രത്തിന്റെ ഛായാഗ്രാഹകൻ.