scorecardresearch
Latest News

വിദ്യാര്‍ഥിയെ മൈക്കിലൂടെ കൂവിപ്പിച്ചു; നടന്‍ ടൊവിനോ തോമസിനെതിരെ നിയമ നടപടിക്ക് കെഎസ്‌യു

സംഗമം ഉദ്ഘാടനം ചെയ്ത് ടൊവിനോ തോമസ് മൈക്കിലൂടെ സംസാരിക്കുന്നതിനിടെ സദസില്‍നിന്നു ഒരു വിദ്യാർഥി കൂവുകയായിരുന്നു

വിദ്യാര്‍ഥിയെ മൈക്കിലൂടെ കൂവിപ്പിച്ചു; നടന്‍ ടൊവിനോ തോമസിനെതിരെ നിയമ നടപടിക്ക് കെഎസ്‌യു

കല്‍പ്പറ്റ: തന്റെ പ്രസംഗത്തിനിടെ സദസിലിരുന്ന് കൂവിയ വിദ്യാര്‍ഥിയെ വേദിയിലേക്കു വിളിച്ചുവരുത്തി മൈക്കിലൂടെ കൂവിപ്പിച്ച നടൻ ടൊവിനോ തോമസിനെതിരെ നിയമനടപടിയ്‌ക്കൊരുങ്ങി കെഎസ്‌യു. സമ്മതിദായകരുടെ ദേശീയദിനത്തോടനുബന്ധിച്ചു മാനന്തവാടി മേരിമാതാ കോളജില്‍ സംഘടിപ്പിച്ച ബഹുജനസംഗമത്തിനിടെയാണു സംഭവം.

കരുത്തുറ്റ ജനാധിപത്യത്തിന് തിരഞ്ഞെടുപ്പ് സാക്ഷരത എന്ന സന്ദേശത്തില്‍ ജില്ലാ ഭരണകൂടമാണ് പരിപാടി സംഘടിപ്പിച്ചത്. സംഗമം ഉദ്ഘാടനം ചെയ്ത് ടൊവിനോ തോമസ് മൈക്കിലൂടെ സംസാരിക്കുന്നതിനിടെ സദസില്‍നിന്നു ഒരു വിദ്യാർഥി കൂവുകയായിരുന്നു. ഉടന്‍തന്നെ വിദ്യാര്‍ഥിയെ സ്റ്റേജിലേക്കു വിളിച്ച ടൊവിനോ മൈക്കിലൂടെ കൂവാന്‍ ആവശ്യപ്പെടുകയായിരുന്നു.

Read More: Budget 2020 LIVE updates: കേന്ദ്ര ബജറ്റ് ഇന്ന്, ആദായ നികുതി സ്ലാബുകളില്‍ മാറ്റമുണ്ടാകുമോ?

ആദ്യം വിസമ്മതിച്ച വിദ്യാര്‍ഥിയെ മൈക്കിലൂടെ നാലുതവണ കൂവിപ്പിച്ചാണു നടന്‍ സദസ്സിലേക്കു മടക്കിയത്. അതിന് ശേഷം, വിദ്യാര്‍ത്ഥി കൂവിയതില്‍ അല്ല. താന്‍ പറഞ്ഞ വിഷയത്തിന്റെ ഗൗരവം മനസ്സിലാക്കാത്തതിലാണ് വിഷമം എന്നും ടൊവിനോ വേദിയില്‍ വച്ച് തന്നെ പറഞ്ഞുകൊണ്ട് സംസാരം അവസാനിപ്പിച്ച് വേദിവിട്ട് ഇറങ്ങുകയും ചെയ്തു. ജില്ലാ കലക്ടറും സബ് കലക്ടറും ഇരിക്കുന്ന വേദിയിലായിരുന്നു സംഭവം.

അടുത്തദിവസം എസ്പിക്ക് പരാതി നല്‍കുമെന്ന് കെഎസ്‌യു നേതൃത്വം അറിയിച്ചു. വിദ്യാര്‍ഥിയെ മറ്റ് വിദ്യാര്‍ഥികളുടെ മുന്നിലും പൊതുജനമധ്യത്തിലും അപമാനിച്ച ടോവിനോക്കെതിരേ നിയമപരമായ നടപടി ആവശ്യപ്പെട്ടാണ് കെഎസ്‌യു രംഗത്തെത്തിയിരിക്കുന്നത്. ബന്ധപ്പെട്ട അധികാരികള്‍ക്ക് പരാതി നല്‍കാന്‍ തീരുമാനിച്ചെന്ന് കെഎസ്‌യു അറിയിച്ചു.

Stay updated with the latest news headlines and all the latest Entertainment news download Indian Express Malayalam App.

Web Title: Ksu against actor tovino thomas