കൈകോർത്ത് കൃതി സനോണും കബീറും; സഹോദരിയുടെ വിവാഹവേദിയിൽ പ്രണയം വെളിപ്പെടുത്തി നടി?

ബോളിവുഡ് താരം കൃതി സനോണിന്റെ കുടുംബം ഒരു വിവാഹാഘോഷത്തിന് ഒരുങ്ങുകയാണ്. കൃതിയുടെ സഹോദരിയും നടിയുമായ നൂപുർ സനോണും പ്രശസ്ത പിന്നണി ഗായകൻ സ്റ്റെബിൻ ബെന്നും തമ്മിലുള്ള വിവാഹം ഈ വാരാന്ത്യത്തിൽ ഉദയ്പൂരിൽ വെച്ച് നടക്കും.

Also Read: നാഷണൽ ക്രഷ് മാത്രമല്ല; കുടകിൽ ഏറ്റവും കൂടുതൽ ടാക്സ് അടക്കുന്നതും രശ്മിക തന്നെ

വിവാഹാഘോഷങ്ങൾക്കായി ഉദയ്പൂർ വിമാനത്താവളത്തിലെത്തിയ കൃതി സനോണിന്റെയും കുടുംബത്തിന്റെയും വീഡിയോകൾ ഇപ്പോൾ സോഷ്യൽ മീഡിയയിൽ വൈറലാവുകയാണ്. കൃതിക്കൊപ്പം ഗോസിപ്പ് കോളങ്ങളിൽ നിറഞ്ഞുനിൽക്കുന്ന കാമുകൻ കബീർ ബഹിയയും ഉദയ്പൂരിലെ വിവാഹത്തിന് എത്തിയിട്ടുണ്ട്.

Also Read: 300 രൂപയുമായി വീടുവിട്ടിറങ്ങി, ജീവിക്കാനായി ചായ വിറ്റു;  ഇന്ന് 4000 കോടി ബജറ്റ് ചിത്രത്തിന്റെ സഹനിർമ്മാതാവ്

View this post on Instagram

A post shared by Varinder Chawla (@varindertchawla)

വിമാനത്താവളത്തിന് പുറത്തുവന്ന കൃതിയെയും കബീറിനെയും ആവേശഭരിതമായ ചെണ്ടമേളങ്ങളോടെയാണ്  സംഘാടകർ സ്വീകരിച്ചത്. നൂപുർ സനൺ, സ്റ്റെബിൻ ബെൻ, കൃതിയുടെ മാതാപിതാക്കൾ എന്നിവരും ഒപ്പമുണ്ടായിരുന്നു. 

Also Read: എന്ത് ഭംഗിയാ ഇവരെയിങ്ങനെ കാണാൻ; ഇത് മമ്മൂക്കയുടെയും ലാലേട്ടന്റെയും 'സർവ്വംമായ'

കഴിഞ്ഞ ആഴ്ചയാണ് നൂപുർ സനോൺ തന്റെ ദീർഘകാല കാമുകനായ സ്റ്റെബിൻ ബെന്നുമായുള്ള വിവാഹനിശ്ചയ വാർത്ത ഇൻസ്റ്റാഗ്രാമിലൂടെ പുറത്തുവിട്ടത്. വളരെ മനോഹരമായ ഒരു പ്രൊപ്പോസലിന്റെ ചിത്രങ്ങളും നൂപുർ പങ്കുവെച്ചിരുന്നു. 

Also Read: 116 കോടിയുടെ ആസ്തി, 15 കോടിയുടെ കൊട്ടാരം; വിജയ്-രശ്മിക ജോഡികളുടെ ആഡംബര ലോകം!

'ഫിൽഹാൾ' എന്ന മ്യൂസിക് വീഡിയോയിലൂടെ ശ്രദ്ധേയായ നൂപുർ, തെലുങ്ക് ചിത്രം 'ടൈഗർ നാഗേശ്വര റാവു'വിലും അഭിനയിച്ചിട്ടുണ്ട്. 'സാഹിബ' തുടങ്ങിയ ഹിറ്റ് ഗാനങ്ങളിലൂടെ മലയാളികൾക്കും പ്രിയങ്കരനായ ഗായകനാണ് സ്റ്റെബിൻ ബെൻ.

തന്റെ പുതിയ ചിത്രമായ 'കോക്ടെയിൽ 2'-ന്റെ തിരക്കുകൾക്കിടയിലാണ് കൃതി സഹോദരിയുടെ വിവാഹത്തിനായി സമയം കണ്ടെത്തിയിരിക്കുന്നത്. ഷാഹിദ് കപൂർ, രശ്മിക മന്ദാന എന്നിവർ പ്രധാന വേഷത്തിലെത്തുന്ന ചിത്രമാണിത്. കൃതിയുടെ കഴിഞ്ഞ ചിത്രം 'തേരേ ഇഷ്ക് മേം' ബോക്സ് ഓഫീസിൽ 116 കോടിയിലധികം രൂപ കലക്ട് ചെയ്ത് വലിയ വിജയമായിരുന്നു.

ഉദയ്പൂരിലെ മനോഹരമായ കൊട്ടാരങ്ങളിൽ ഒന്നിൽ വെച്ച് നടക്കുന്ന വിവാഹത്തിൽ സിനിമാ-സംഗീത മേഖലയിലെ നിരവധി പ്രമുഖർ പങ്കെടുക്കുമെന്നാണ് റിപ്പോർട്ടുകൾ.

Also Read: കൗതുകങ്ങളുടെ സർവ്വം മായ; നിവിൻ പോളിക്കൊപ്പം സ്ക്രീനിലെത്തിയത് 7 സംവിധായകർ