ചലച്ചിത്ര താരം രാജ് കപൂറിന്റെ പത്നിയും കപൂര്‍ കുടുംബത്തിന്റെ മുതിര്‍ന്ന അംഗവുമായ കൃഷ്ണാ കപൂറിന് അന്തിമോപചാരം അർപ്പിക്കാൻ ബോളിവുഡ് താരങ്ങളായ അമിതാഭ് ബച്ചൻ, കാജോൾ,​അനിൽ കപൂർ,​റാണി മുഖർജി, സഞ്ജയ് കപൂർ, സെയിഫ് അലി ഖാൻ, കരിഷ്മ കപൂർ, കരൺ ജോഹർ, ആലിയ ഭട്ട്, അയാൻ മുഖർജി എന്നിവരെത്തി.

ഇന്ന് പുലർച്ചെ രാവിലെ അഞ്ചുമണിയോടെയായിരുന്നു 87കാരിയായ കൃഷ്ണാ കപൂറിന്റെ അന്ത്യം. കൃഷ്ണാ കപൂറിന്റെ മരണവാർത്ത മകന്‍ രന്ധീര്‍ കപൂര്‍ ആണ് പി ടി ഐയെ അറിയിച്ചത്.

കൃഷ്ണ- രാജ് കപൂർ ദമ്പതികൾക്ക് ഋഷി, രന്ധീര്‍, രാജീവ്‌, ഋതു, റിമ എന്നീ അഞ്ചു മക്കളാണ് ഉള്ളത്. ബോളിവുഡ് താരങ്ങളായ കരിഷ്മ, കരീന,  രൺബീര്‍ എന്നിവർ കൃഷ്ണയുടെ കൊച്ചു മക്കളാണ്. ബോളിവുഡിലെ ഏറ്റവും പ്രശസ്തമായ കപൂർ കുടുംബത്തിലെ തലമുതിര്‍ന്ന അംഗം കൂടിയായിരുന്നു കൃഷ്ണ.

Get Malayalam News and latest news update from India and around the world. Stay updated with today's latest Entertainment news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ