Kerala Crime Files 2 OTT: കേരള ക്രൈം ഫയൽസ് 2 ഒടിടിയിലേക്ക്

Kerala Crime Files Season 2 OTT Release Date: ജിയോഹോട്ട്സ്റ്റാറിന്റെ ആദ്യ മലയാളം വെബ് സീരീസായിരുന്നു 'കേരള ക്രൈം ഫയൽസ്.' ഏറെ ജനപ്രീതി നേടിയ സീരിസിന്റെ രണ്ടാം ഭാഗം എത്തുകയാണ്. രണ്ടാം സീസണിന്റെ ട്രെയിലർ ആണ് ഇപ്പോൾ ശ്രദ്ധ നേടുന്നത്. സിസിൺ 2ന്റെ ഒടിടി സ്ട്രീമിങ് തീയതിയും പുറത്തുവിട്ടിട്ടുണ്ട്.

കേരള ക്രൈം ഫയല്‍സ് ദ സെര്‍ച്ച് ഫോര്‍ സിപിഒ അമ്പിളി രാജു എന്നാണ് ഈ സീസണിന്‍റെ പേര്. വളരെ ത്രില്ലിംഗായൊരു കഥയാണ് രണ്ടാം സീസൺ പറയുന്നത് എന്ന സൂചനയാണ് ട്രെയിലർ തരുന്നത്. ആദ്യ സീസണായ കേരള ക്രൈം ഫയൽസ് ഷിജു, പാറയിൽ വീട്, നീണ്ടകര സംവിധാനം ചെയ്ത അഹമ്മദ് കബീർ തന്നെയാണ് രണ്ടാം ഭാഗവും സംവിധാനം ചെയ്യുന്നത്. ബ്ലോക് ബസ്റ്റർ ചിത്രമായ കിഷ്കിന്ധാ കാണ്ഡത്തിന് തിരക്കഥ ഒരുക്കിയ ബാഹുല്‍ രമേശാണ് സീസൺ 2 ന്റെ തിരക്കഥ.

Also Read: വിജയ് സേതുപതിയുടെ എയ്‌സ് ഒടിടിയിലെത്തി; ചിത്രം എവിടെ കാണാം?

മലയാളത്തിലെ ആദ്യത്തെ ക്രൈം വെബ് സീരീസ് ആയിരുന്നു കേരള ക്രൈം ഫയല്‍- ഷിജു, പാറയില്‍ വീട്, നീണ്ടകര 2024 ജൂൺ 23നാണ് സ്ട്രീമിംഗ് ആരംഭിച്ചത്.  അജുവർ​ഗീസ്, ലാൽ എന്നിവരാണ് സീരിസിലെ പ്രധാന കഥാപാത്രങ്ങളെ അവതരിപ്പച്ചത്. രണ്ടാം ഭാഗത്തിലും ഇരുവരും കേന്ദ്രകഥാപാത്രങ്ങളായി എത്തുന്നുണ്ട്. ഇവർക്കൊപ്പം അര്‍ജുന്‍ രാധാകൃഷ്ണന്‍, ഹരിശ്രീ അശോകന്‍, രഞ്ജിത്ത് ശേഖര്‍, സഞ്ചു, സുരേഷ് ബാബു, നവാസ് വള്ളിക്കുന്ന്, നൂറിന്‍ ഷെരീഫ്, ജിയോ ബേബി, ഷിബ്ല ഫറ, ബിലാസ് ചന്ദ്രഹാസന്‍ എന്നിവരും സീരീസിലുണ്ട്.

Also Read: 10,300 കോടിയുടെ ആസ്തി, ഷാരൂഖിനേക്കാളും സമ്പന്നൻ:  ബിസിനസ് സാമ്രാജ്യം പിന്നിൽ ഉപേക്ഷിച്ച് സഞ്ജയ് കപൂർ മടങ്ങുമ്പോൾ

Kerala Crime Files 2 OTT: കേരള ക്രൈം ഫയൽസ് 2 ഒടിടി 

ജിയോഹോട്സ്റ്റാറിലൂടെ ജൂൺ 20 മുതൽ കേരള ക്രൈം ഫയൽസ് സീസൺ 2 സ്ട്രീമിങ് ആരംഭിക്കും. ട്രെയിലറിനൊപ്പമാണ് ജിയോഹോട്സ്റ്റാർ റിലീസ് തീയതി പ്രഖ്യാപിച്ചത്.

Read More: ഏത് ഭൂഖണ്ഡത്തിലായാലും ഞാൻ ഓക്കെയല്ലേ എന്ന് നിത്യേന ഉറപ്പുവരുത്തുന്നവൾ; ബെസ്റ്റിയ്ക്ക് ആശംസയുമായി മൗനി റായ്