അച്ഛന്റെ മടിയിലിരുന്ന് കീർത്തിയ്ക്ക് താലിക്കെട്ട്; വിവാഹചിത്രങ്ങൾ

നടി കീര്‍ത്തി സുരേഷും ആന്‍റണി തട്ടിലും വിവാഹിതരായി.

അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ ഗോവയിൽ വച്ചായിരുന്നു വിവാഹം.

തമിഴ് അയ്യങ്കാർ ശൈലിയിലായിരുന്നു വിവാഹ ചടങ്ങുകൾ നടന്നത്. അച്ഛന്റെ മടിയിലിരുന്ന കീർത്തിയ്ക്ക് ആന്റണി താലി ചാർത്തി.

കീർത്തിയുടെ ദീര്‍ഘകാല സുഹൃത്താണ് ആന്റണി തട്ടിൽ. 15 വർഷം നീണ്ട പ്രണയമാണ് വിവാഹത്തിലെത്തുന്നത്. ദുബായ് കേന്ദ്രീകരിച്ചുള്ള ബിസിനസ്സുകാരനാണ് ആന്റണി തട്ടില്‍.

വിവാഹചിത്രങ്ങൾ കീർത്തി സമൂഹമാധ്യമങ്ങളിൽ പങ്കിട്ടു.

കഴിഞ്ഞ ദിവസം ഗോവയിൽ വിവാഹത്തിനു മുന്നോടിയായുള്ള ഹൽദിയും മെഹന്ദിയുമെല്ലാം നടന്നിരുന്നു.

നടി മേനകയുടെയും നിര്‍മാതാവ് ജി. സുരേഷ്‌കുമാറിന്റെയും  മകളാണ് കീർത്തി.  ബാലതാരമായാണ് കീര്‍ത്തി സുരേഷ്  സിനിമയിലെത്തിയത്. ഗീതാഞ്ജലി എന്ന ചിത്രത്തിലൂടെ നായികയായും അരങ്ങേറ്റം കുറിച്ചു. ഇന്ന് മലയാളം, തമിഴ്, തെലുങ്ക്, ഹിന്ദി തുടങ്ങി എല്ലാ ഭാഷകളിലും തന്റെ സാന്നിധ്യം അറിയിച്ചു കഴിഞ്ഞു. മഹാനടിയെന്ന തെലുങ്ക് ചിത്രത്തിലെ അഭിനയത്തിന് മികച്ച നടിക്കുള്ള ദേശീയ അവാര്‍ഡും കീർത്തിയെ തേടിയെത്തിയിരുന്നു

കീർത്തിയുടെ ബോളിവുഡ് അരങ്ങേറ്റ ചിത്രം 'ബേബി ജോണ്‍' ക്രിസ്മസ് റിലീസായി തിയേറ്ററുകളിലെത്താൻ ഒരുങ്ങുകയാണ്.