പൊതുവേദിയിൽ അതിഥിയായി കാവ്യ മാധവൻ, സിനിമയിലേക്ക് തിരികെ എത്തുമോ എന്ന് ആരാധകർ

മലയാളികളുടെ പ്രിയനടി കാവ്യ മാധവൻ ഇപ്പോൾ പൊതുവേദികളിലും സോഷ്യൽ മീഡിയയിലുമെല്ലാം സജീവമാണ്. ഒരുകാലത്ത് ക്യാമറക്കണ്ണുകളിൽ നിന്നും പൊതുപരിപാടികളിൽ നിന്നും അകലം പാലിച്ചിരുന്ന താരം, ഇപ്പോൾ ആ പതിവ് പാടെ മാറ്റിയിരിക്കുകയാണ്. അഭിനയരംഗത്ത് ഇപ്പോൾ സജീവമല്ലെങ്കിലും, ചടങ്ങുകളിൽ മുഖ്യാതിഥിയായി എത്താൻ കാവ്യ മടികാണിക്കാറില്ല.

ദുബായിൽ ഒരു പരിപാടിയ്ക്ക് എത്തിയ കാവ്യയുടെ ചിത്രങ്ങളാണ് ഇപ്പോൾ വൈറലാവുന്നത്. സാരിയിൽ അതിസുന്ദരിയായ കാവ്യയെ ആണ് ചിത്രങ്ങളിൽ കാണാനാവുക.

2016 നവംബർ 25-നായിരുന്നു ദിലീപും കാവ്യ മാധവനും വിവാഹിതരായത്. വിവാഹശേഷം അഭിനയരംഗത്ത് നിന്ന് വിട്ടുനിൽക്കുന്ന താരം കുടുംബജീവിതത്തിന് മുൻഗണന നൽകുകയായിരുന്നു.

2016-ൽ പുറത്തിറങ്ങിയ അടൂർ ഗോപാലകൃഷ്ണൻ ചിത്രം ‘പിന്നെയും’ ആയിരുന്നു കാവ്യ അവസാനമായി അഭിനയിച്ച സിനിമ. 2019 ഒക്ടോബറിലാണ് ദിലീപിനും കാവ്യയ്ക്കും മകൾ മഹാലക്ഷ്മി ജനിക്കുന്നത്.

അടുത്തിടെ, ഓസ്‌ട്രേലിയയിൽ ചേട്ടനും കുടുംബത്തിനുമൊപ്പം വെക്കേഷൻ ചിലവഴിക്കുന്ന കാവ്യയുടെ ചിത്രങ്ങളും വൈറലായിരുന്നു.

സിനിമാ തിരക്കുകളിൽ നിന്ന് വിട്ടുനിൽക്കുകയാണെങ്കിലും കാവ്യയുടെ ഓരോ വിശേഷവും ആരാധകർക്ക് എന്നും പ്രിയപ്പെട്ടതാണ്.